Қаржы нормалары мен нормативтері

Қаржы нормалары мен нормативтері - қаржыны жоспарлауда қаржы ресурстарының құралуын, бөлінуін, қайта бөлінуін реттейтін ең аз, орташа немесе ең көп шекті шамаларды көрсететін көрсеткіш. Норма — қайсыбір ресурстардың өнімнің бір өлшеміне шаққандағы шығынының жеке мәні (шамасы). Норматив — түрлі ресурстар шығынының нормалар негізінде есептелген және осы ресурстарының қолданыстағы жағдайларда тиімді пайдаланылуын қамтамасыз ететін бірыңғай орташа өлшемделген шамасы. Қаржы нормалары мен нормативтері айналым капиталын нормалау кезінде қолданылады. Айналым активтерінің нормасы осы активтердің босалқы қорының шамасын айқындай отырып, күнмен және теңгемен белгінеді. Шығарылатын өнімнің номенклатурасы, өндірістің технологиясы мен ұйымдастырылуы өзгерген кезде нормалар да қайта қаплады. Айналым активтерінің нормативтері - ақшалай қаражатгың кәсіпорынға қаржы-шаруашылық қызметті ұйымдастыру үшін ұдайы қажет ең төмен ұйғарынды сомасы. Норматив шамасы— смета бойынша өндіріске жұмсалған бір күндік шығынның күндік айналым қаражатының нормасына көбейтіндісі. Нормативті кәсіпорынның өзі кезекті жылға арналған өндірістік бағдарламаны әзірлеу кезінде белгілейді.