Абдолла Қарсақбаев

Уикипедия — ашық энциклопедиясынан алынған мәлімет
(Қарсақбаев Абдолла бетінен бағытталған)
Jump to navigation Jump to search
Абдолла Қарсақбаев
Жалпы мағлұмат
Туған күні

2 қазан 1926(1926-10-02)

Туған жері

Қарақастек ауылы, Алматы облысы, Жамбыл ауданы (Алматы облысы)

Қайтыс болған күні

2 қыркүйек 1983(1983-09-02) (56 жас)

Қайтыс болған жері

Алматы, КСРО

Азаматтығы

 Кеңестік Социалистік Республикалар Одағы

Мамандығы

режиссёр

Бағыты

социалистік реализм

Абдолла Қарсақбаев (2 қазан 1926, Алматы облысы Жамбыл ауданы Қарақастек ауылы - 2 қыркүйек 1983 жыл, Алматы) - кинорежиссер, Қазақ КСР-інің еңбек сіңірген өнер қайраткері (1978).

Өмірбаяны[өңдеу]

1956 жылы Мәскеудегі Бүкілодақтық мемлекеттік кинематография институтының режиссерлік факультетін М.Э. Чиаурелидің тобында бітірген.

1947-1983 жылдары "Қазақфильм" студиясында режиссер болды.

Шығармашылығы мен марапаттары[өңдеу]

"Ана мен бала" (1955), "Егер біздің әрқайсымыз..." (1961, екеуін де реж. С.Қожықовпен бірге), "Қанатты сыйлық" (1956, А.Слободник және Э.И. Файкпен бірге), "Ботакөзде" (1957, Е.Е. Аронмен бірге) атты көркем фильмдерді қоюға қатысты. Тарихи тақырыпқа "Қилы кезеңде" (1968), "Даладағы қуғын" (1979, КСРО ХШЖК-нің күміс медалі) секілді фильмдерді, "Менің атым Қожа" (1963, Т.Дүйсенбаевпен бірге, 1964 жылы өткен Орта Азия мен Қазақстан кинематографияшыларының байқауының және 1967 жылы Канн қаласында өткізген халықаралық кинофестивальдың дипломына ие болды), "Балалық шаққа саяхат" 1969), "Менің ағам" (1972), "Қатарыңнан қалма" (1974, телефильм); "Оу, ковбойлар" (1975), "Алты жасар Алпамыс" (1976; 1977 жылы Ригада өткен Бүкілодақтық 10 кинофестивальдің жүлдегері), "Балалық шақтың кермек дәмі" (1982) көркем фильмдерін, сонымен қатар "Қазақ халқының қолөнері" (1958), "Торғай шегі" (1963), "Черкасск қорғаны" (1970), "Ақтөбе" (1972), т.б. деректі фильмдерін қойған.[1]

Дереккөздер[өңдеу]

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8