Қарта

Уикипедия — ашық энциклопедиясынан алынған мәлімет
Jump to navigation Jump to search
Қарта.jpg

Қартажылқы етінің ең кәделі мүшелерінің бірі. Жылқы сойғанда ең алдымен қартаны ішіндегісінен босатып, айналдырады да, салқын суға жуып тазалайды. Содан кейін оның ішіне майлы еттерді тығады. Етті дәміне келтіру үшін тұздайды, бұрыш сеуіп, пияз турап қосады. Қарталы айналдырып болған соң ішектің екі ұшын істікпен түйреп, жіппен қосақтап байлайды. Бұдан соң ыстан сүрлеуге арналған қарталы бойына тұзын сіңіріп, салқын жерге (2—4 градус) 1—2 күн қояды. Қартаны 12—18 сағат бойы 50° жылылықта ұстап, түтінге ыстайды. Содан кейін 12—15° дәрежеде 2—3 күн сақтап кептіреді. Қартаны пісіру үшін салқын суға жуып, қазандағы 30—35° жылы суға салып, отты баяулатып әбден піскенше 1,5—2 сағат қайнатады. Қартаны асқан етке қосып береді.

Қарта[өңдеу | қайнарын өңдеу]

Бұл - жылқының тоқ ішегі. Семіз жылқының қартасы да айналдырғанда ішегіне симай тырсылдап тұрады. Қазымен дәрежесі бірдей ас. Пияз, бұрыш,тұзын келістіріп аударылған қарта салқын күйінде дөңгелетіп, майын томырылта турап, салқын ас күйінде де (қазымен бірге жүреді), табақтағы етпен бірге де ұсынылады.

[1]

Тағы қараңыз[өңдеу | қайнарын өңдеу]

Дереккөздер[өңдеу | қайнарын өңдеу]

  1. Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9

Дереккөздер[өңдеу | қайнарын өңдеу]

Сегізбайұлы Кәдірбек С30 Қазақы дастарған – Алматы: ”Атамұра”, 2011. - 192.

қарта