Қарынжарық құмы
Қарынжарық құмы | |
Сипаттамасы | |
---|---|
Ұзындығы | 130, 160 км |
Ені | 24, 40 км |
Ауданы | 2000 км² |
Орналасуы | |
42°27′59″ с. е. 53°46′42″ ш. б. / 42.466255° с. е. 53.778418° ш. б. (G) (O) (Я)Координаттар: 42°27′59″ с. е. 53°46′42″ ш. б. / 42.466255° с. е. 53.778418° ш. б. (G) (O) (Я) | |
Ел | Қазақстан |
Аймақ | Маңғыстау облысы |
Орналасуы | Маңғыстау түбегі мен Үстірт аралығы |
Қарынжарық – Маңғыстау түбегі мен Үстірт аралығындағы құмды алқап.
Географиялық орны[өңдеу | қайнарын өңдеу]
Маңғыстау облысының Қарақия ауданындағы жерінде орналасқан.
Жер бедері[өңдеу | қайнарын өңдеу]
Солтүстіктен оңтүстік-батысқа қарай 130 – 160 км-ге созылған, ені 24 – 40 км. Ауданы 2 мың км2. Негізгі жыныстарының мүжіліп, үгілуінен қалыптасқан құмды төбелердің биіктігі кейде 5 – 15 м-ге жетеді. Кей жері тақырға, сортаңға, сорға айналған. Шығысын бойлай теңіз деңгейінен 52 м төмен жатқан Кендірлі соры мен Қарынжарық ойысы орналасқан.
Климаты[өңдеу | қайнарын өңдеу]
Климаты континенттік, қаңтар айының орташа температурасы –5 – 6°С, шілдеде 27°С. Жауын-шашын мөлшері 120 – 150 мм шамасында. 3 – 7 м тереңдікте минералды грунт сулары бар.
Өсімдігі[өңдеу | қайнарын өңдеу]
Шығысы құмды саздақтардан құралған аллювийлік жазық. Мұнда жусан, сораң өседі. Батысының жері дөңестеу, онда баялыш, жусан, жүзгін, күйреуік, ақ сексеуіл өседі. Солтүстігінде ойыс Қарабауыр жонына ұштасады. Мал жайылымы.[1]
Дереккөздер[өңдеу | қайнарын өңдеу]
- ↑ АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5