Қарғалар туысы

Уикипедия — ашық энциклопедиясынан алынған мәлімет
Jump to navigation Jump to search
Қарғалар туысы
Corvus corax
Ғылыми топтастыруы
Дүниесі: Жануарлар
Жамағаты: Хордалылар
Табы: Құстар
Сабы: Торғайтәрізділер
Тұқымдасы: Қарғалар тұқымдасы
Тегі: Corvus
Vigors, 1825]

Қарғалар туысы (лат. Corvus) – торғайтәрізділер отрядының қарғалар тұқымдасының негізгі туысы. Мұнда қарға ұрпақтарының ең танымал және өте ірі денелі өкілдері жиналған. Бұл құстардың қалың және тығыз жабын қауырсыны негізінде қара реңді. Әмбебап типті мықты тұмсығы талғаусыз қоректенуге жақсы бейімделген. Бүкіл дүние жүзіне таралған құстар көбінесе отырықшы өмір сүреді. Олар тек қана нағыз солтүстік аудандарында аздап оңтүстікке қарай жылыстайды. Бұлар – психикалық даму деңгейі жоғары және қоршаған ортаның кез келген өзгерістерін, соның ішінде антропогенді факторға мол мүмкіндікпен көндіге алатын құстар тобы. Сондықтан бұл туыс түрлерінің саны үздіксіз арта түсуде. Қарға туыстарда 30ға жуық түр бар. Қазақстанда солардың алтауы кездеседі. Олар: құзғын, шөл құзғын, қара қарға, ала қарға, ұзақ, шауқарға[1].

Дереккөздер[өңдеу]

  1. Құстар. Мектеп энциклопедиясы, 2010, Ковшарь Анатолий Федорович, ISBN 978-601-282-168-0, 352 бет, Алматы: Атамұра