Қасиетті Рим империясы

Уикипедия — ашық энциклопедиясынан алынған мәлімет
Навигацияға өту Іздеуге өту
Рим империясымен шатастырмау керек.
Қасиетті Рим империясы
нем. Heiliges Römisches Reich

лат. Sacrum Imperium Romanum
Империя

800/962 — 1806


(1430-1806) (1790-1806)
Ұраны
Құдай император Францты сақтасын(1797—1806)
Астанасы Бірыңғай / негізгі елорда жоқ

Рим (ресми)
Ахен (962—1346)
Прага (1346—1437;1583—1611)

Тіл(дер)і Неміс тілі және Латын тілі

Чех тілі
Италиян тілі
Француз тілі
Мажар тілі

Діні Католицизм(800–1806)
Лютеранизм(1555–1806)
Кальвинизм(1648–1806)
Ақша бірлігі Талер,Гульден,Грош,Рейхсталер
Басқару формасы Конфедерация
элективті монархия
Династиясы 14 әулеттер
Император
 - 800–814 Ұлы Карл
 - 962–973 I Оттон (бірінші)
 - 1792–1806 II Франц (соңғы)
Қасиетті Рим империясының XIII—XIV ғ-ғы туы
Қасиетті Рим империясының XV—XVIII ғ-ғы туы.

Қасиетті Рим империясы (1512 жылдан бастап — Герман ұлтының Қасиетті Рим империясы; лат. Sacrum Imperium Romanum Nationis Germanicae немесе лат. Sacrum Imperium Romanum Nationis Teutonicae, нем. Heiliges Römisches Reich Deutscher Nation) — 962 жылдан 1806 жылға дейін Еуропаның көптеген аймақтарын біріктірген мемлекеттік құрылым.

Империяның өркендеу кезінде оның құрамына Германия, солтүстік және орталық Италия, Чехия, Төменгі Жерлер (қазіргі Голландия), Францияның кейбір аймақтары кіретін. 1134 жылдан бастап Қасиетті Рим империя формальді түрде үш патшалықтан тұрған: Германия, Италия және Бургундия патшалығы. 1135 жылдан бастап империя құрамына Чехия патшалығы енді. Оның империя құрамындағы статусы толығымен 1212 жылы ғана реттелген.

Империя 962 жылы І Ұлы Оттонмен құрылған. Бұл империя тарихшылармен антикалық Рим империясының және Ұлы Карлдың франкия империясының жалғасы деп қарастырылады.

Атауы[өңдеу | қайнарын өңдеу]

Қасиетті Рим империясының тұңғыш билеушісі Ұлы Оттон І imperator Romanorum et Francorum (лат. "римдіктер мен франктердің императоры") лауазымын қолданған. 962 жылы пайда болған Қасиетті Рим империясы Рим және Франк империяларының мирасқоры атануына үміткер болып, христиандық Еуропаны біріктіруші күшке айналуды көздеді. Германия империяның орталығы болғанымен, Рим оның ритуалды (киелі) астанасы ретінде саналатын. XVI ғасырға дейін императорлардың тәж кигізу рәсімі осы қалада өткізілген. "Рим императоры" лауазымын алғаш рет Оттон ІІ қолданған. "Рим империясы" терминін жазба деректерде 1034 жылдан бастап кездестіреміз. Герман корольдерінің "император" лауазымын қолдануы Византияның наразылығын тудыратын.

1512 жылы император Максимилиан І өзінің рейхстагқа үндеуінде алғаш рет "Қасиетті Рим империясы" атауын қолданды (нем. Heiliges Römisches Reich Deutscher Nation).

XVIII ғасырдың ортасына қарай империя өзінің Италиядағы ықпалынан айырылды. Сепаратисттік үрдістер Германияны жартылай тәуелсіз мемлекеттік бірлестіктердің конгломератына айналдырды. Өзінің соңғы құжаттарында мемлекет "Герман империясы" (нем. Deutsches Reich) атауын қолданған.

XIX ғасырда Герман және Австрия империяларының құрылуынан кейін Қасиетті Рим империясы үшін "Ескі империя" немесе "Бірінші рейх" терминдері қолдана бастады.

Мемлекеттік құрылымы[өңдеу | қайнарын өңдеу]

Қасиетті Рим империясындағы конституциялық-құқықтық құрылымның қалыптасуына негіз болған басты нормативтік актілер:

  • Сайлау капитуляциялары (империядағы таптардың құқықтары мен бостандықтары туралы).
  • Вормс конкордаты. Шіркеу аясындағы император мен рим папасының арасындағы айрықша құзыреттерді реттеген нормативтік акт (1122 жыл).
  • Шіркеу князьдерімен келісім. Империя құрамындағы шіркеу иеліктеріне автономия беру туралы жарлық (1220 жыл).
  • Шіркеу князьдерінің пайдасына қаулысы.
  • Алтын булла. Императорды сайлаудың реті мен оны сайлаушы курфюрсттердің империядағы бірлестіктерді басқарудағы еркіндігі туралы заң (1356 жыл).
  • Веналық конкордат. Германия аумағындағы шіркеулердің (католик) мемлекеттік-құқықтық статусын және құрылымын бекіткен заң.
  • Империялық реформа.
  • Империялық матрикул.
  • Аугсбург діни бейбіт келісім.
  • Вестфальдік бейбіт келісім.
  • Империяға соңғы жолдама.
  • Империялық депутацияның қорытынды қаулысы. 1803 жылы Қасиетті Рим империясының құрылымы мен құрамын түбегейлі түрде өзгерткен соңғы заңы.

Қасиетті Рим империясы императорларының тізімі[өңдеу | қайнарын өңдеу]

Каролингтер:

  • Ұлы Карл І (800-814). 814 жылдан бастап франктердің королі.
  • Людовик І (814-840). Франктердің королі.
  • Лотарь І (843-855). 818 жылдан бастап Италия, 843 жылдан Лотарингия королі.
  • Людовик ІІ (855-875). 844 жылдан Италия королі.
  • Карл ІІ (875-877). 843 жылдан бастап Батыс-франк корольдігінің билеушісі.
  • Карл ІІІ (881-887). 882 жылдан Шығыс-франк корольдігінің билеушісі.

Гвидонидтер:

  • Сполеттік Ги (891-894). Италия королі.
  • Ламберт (894-898). Италия королі (892 жылдан).

Каролингтер:

  • Каринтиялық Арнульф (896-899). Шығыс-франк мемлекетінің және Италияның королі.

Бозонидтер:

  • Людовик ІІІ (901-905). Төменгі Бургундия (890-928) және Италия королі (900 жылдан).

Фриулилік әулет

  • Беренгар І (915-924). Италия королі.

Саксондық әулет:

  • Оттон І (962-973). Германия королі (936 жылдан).
  • Оттон ІІ (967-983). Германия королі (961 жылдан).
  • Оттон ІІІ (996-1002). Германия королі (983 жылдан).
  • Генрих ІІ (1014-1024). Германия королі (1002 жылдан).

Салиялық әулет:

  • Конрад ІІ (1027-1039). Германия королі (1024 жылдан).
  • Генрих ІІІ (1046-1056). Германия королі (1028 жылдан).
  • Генрих IV (1084-1105). Германия королі (1056 жылдан).
  • Генрих V (1111-1125). Германия королі (1099 жылдан).

Супплинбург әулеті:

  • Лотарь ІІ (1133-1137). Германия королі (1125 жылдан).

Штауфендер:

  • Фридрих І Барбаросса (1155-1190). Германия королі (1152 жылдан бастап).
  • Генрих VI (1191-1197). 1194 жылдан бастап Сицилия, 1190 жылдан Германия королі.

Вельфтер:

  • Оттон IV (1209-1215). 1198 жылдан Германия королі.

Штауфендер:

  • Фридрих ІІ (1220-1215). 1197 жылдан бастап Сицилия, 1212 жылдан Германия королі.

Люксембург әулеті:

  • Генрих VII (1312-1313). 1308 жылдан Германия королі.

Виттельсбахтар:

  • Людвиг IV (1328-1347). 1314 жылдан Германия королі.

Люксембург әулеті:

  • Карл IV (1355-1378). Германия королі (1346-1347 және 1349-1376), Чехия королі (1346 жылдан бастап).
  • Сигизмунд (1433-1437). 1385 жылдан бастап Венгрия, 1410 жылдан Германия, 1419 жылдан Чехия королі.

Габсбургтер:

  • Фридрих ІІІ (1452-1493). 1440 жылдан Германия королі.
  • Максимилиан І (1508-1519). 1486 жылдан Германия королі.
  • Карл V (1530-1556). 1519 жылдан Германия королі.
  • Фердинанд І (1556-1564). Германия королі.
  • Максимилиан ІІ (1564-1576). Германия королі.
  • Рудольф ІІ (1576-1612). Германия королі.
  • Маттиас (1612-1619). Германия королі.
  • Фердинанд ІІ (1619-1637). Германия королі.
  • Фердинанд ІІІ (1637-1657). Германия королі.
  • Леопольд І (1658-1705). Германия королі.
  • Иосиф І (1705-1711). Германия королі.
  • Карл VI (1711-1740). Германия королі.

Виттельбахтар:

  • Карл VII (1742-1745). Германия королі.

Лотарингиялық Габсбургтер:

  • Франц І (1745-1765). Германия королі.
  • Иосиф ІІ (1765-1790). Германия королі.
  • Леопольд ІІ (1790-1792). Германия королі.
  • Франц ІІ (1792-1806). Германия королі, 1804 жылдан Австрия императоры.