Қасқыр-өрмекші

Уикипедия — ашық энциклопедиясынан алынған мәлімет
Навигацияға өту Іздеуге өту
Қасқыр-өрмекші
Hogna lenta
Ғылыми топтастыруы
Дүниесі: Жануарлар
Жамағаты: Буынаяқтылар
Кіші жамағаты: Хелицералылар
Табы: Өрмекшітәрізділер
Сабы: Өрмекшілер
Кіші сабы: Opisthothelae
Ықшам сабы: Araneomorphae
Ұлы тұқымдасы: Lycosoidea
Тұқымдасы: Lycosidae
Sundevall, 1833
түрлері

100 тегі мен 2300 түрі белгілі

Қасқыр-өрмекші (лат. Lycosidae) – өрмекшілер отрядының тұқымдасы. Ежелгі грек тілінде «лукос» қасқыр деген мағынаны білдіреді.

Жер шарында қасқыр-өрмекшінің 2000-нан аса түрі таралған. Қасқыр-өрмекшінің түстері қоңырдан сұр түске дейін құбылады. Өрмекші денесінің төменгі жағы ашық сұр, сарғылт немесе қара түсті, кейде қызғылт. Денелерін түк басқан. Өскен сайын түлейді. Қырағы көздері күрделі. Үш қатардан тұратын сегіз көзі болады. Олжасын анық көре алады. Сипап сезу қабілеті өте жақсы дамыған. Қасқыр-өрмекші қызуқанды мінез көрсетпейді, дегенмен мазасын алғандарды улы инесімен шағады. Шаққан жерлері ісініп, аздап ауырып, қышиды. Адам өміріне қауіп тудырмағанымен, шаққандары жағымсыз әсер әсер етеді. Дара тіршілік етіп, қоректенеді. Олжасын тістейтін үш үлкен тісі ауыз қуысында орналасқан. Жемтігін қуалап жүріп ұстайды. Өрмек тоқымайды. Күндіз індерінде жатып, түнде қорек іздеуге шығады. Қоңыздармен, ұсақ өрмекшілермен, жәндіктердің дернәсілдерімен, жәндіктермен қоректенеді. Жұмыртқа салған жібек қапшығын құрсағының астыңғы жағына жапсырып алып, өзімен бірге алып жүреді. Бұл өрмекшілер суық таулы аймақтарда да тіршілік етуге бейімделген.[1]

Дереккөздер[өңдеу | қайнарын өңдеу]

  1. У 49 УЛЫ ЖӘНДІКТЕР. - Алматы: «Аруна» баспасы. - 208 бет. - Сер.: «1100 қызықты дерек».