Қатысушы:Базарханова Динара/зертхана
Навигацияға өту
Іздеуге өту
 | Бұл жеке зертхана беттіңізде мақала өңдеп үйрену үшін жазғандарыңызды сынап көріңіз. Бұл бетті 2017-12-19, 14:33 кезінде (6 жыл бұрын) Базарханова Динара (журналы | үлесі) соңғы рет өңдеді. |
«Поллианна» (ағылшынша Pollyanna) - 1913 жылы шығарылған американдық жазушы Элинор Портердің роман-бестселлері. Кітаптың «Поллиананың жасөспірім шағы» (ағылшынша Pollyanna Grows Up) деп аталатын жалғасы бар. Кітап негізінде бірнеше сериалдар мен фильмдер түсірілген. Солардың ішіндегі танымалдары - 1920 жылы түсірлген бас рөлде Мэри Пикфорд ойнаған фильм және 1960 жылғы Disney компаниясының түсірген фильмі.
Сюжеті:[өңдеу | қайнарын өңдеу]
Он бір жасар Поллианна Уиттиер (ағылшынша Pollyanna Whittier) Вермонт штатында тұратын тәтесі мисс Полли Харингтонның үйіне келеді. Поллианнаның әкесі Джон Уиттиер қаза болады. Кішкентай шіркеуде шіркеу қызметкері болып жұмыс істеген әкесі кедей өмір сүргендіктен өзінен кейін мұра ретінде тек бірнеше кітаптарды ғана қалдырған. Анасы ерте қайтыс болып, басқа туысқандары болмағандықтан, Полианна анасының сіңлісі мисс Поллиге келуге мәжбүр болады. Поллидің үлкен әпкесі, яғни Поллианнанның анасы, ата-анасының таңдаған бай кісіге үйленгеннің орнына, Джон Уиттиерге уйленгеннен кейін, мисс Полли және отбасымен қарым-қатынасы мүлдем үзілген болатын. Осылайша Полианнаның анасы миссионердің әйелі болып, шығысқа кетіп қалады. Енді жиырма жыл өткеннен кейін, Полли ата-анасынан қалған барлық мұраға ие болып, үлкен үйде жалғыз тұрады. Ол қатал, тазалық пен ұқыптылықты талап ететін перфекционист адам. Жиені Поллианнаны әпкесінің алдында кінә сезімі болғандықтан ғана өз тәрбиесіне алуға ұйғарады. Поллианнаны үйдің төбесіндегі тар, ешқандай айнасы, сөресі жоқ, тек кереге мен төсегі бар бөлмеге орналастырады. Кішкентай Поллианнаның мінезі болса нағашы әпкесіне қарама-қайшы: ол өте мейіпімді, көп сөйлейтін, өмірді сүйетін тұлға. Басқаларды “бақытты, қуанышты” болу ойынына (The Glad Game) үйретеді. Бұл ойынды бірнеше жыл бұрын әкесі екеуі бастаған болатын. Ол кезде әкесі Поллианннаға әр сәтке қуану қажеттігін түсіндірген. Әкесінің өмірлік философиясын негізге ала отырып, қыз кез-келген сәтінің,тіпті ең жағымсыз өмір жағдайының жақсы жағын көріп, өмірден ләззат алады, және айналасын соған үйретеді.