Қатысушы:БақытДүйсен/зертхана

Вера Ивановна Имашбаева (1971 жылы 4 маусым) – суретші, қолөнерші, кестелеу, тігу, тоқыма, шілтері, ұсақ моншақ, киізді көркем өңдеу және т.б. өнердің түрлерімен айналысады. Солтүстік Қазақстан облысының Петропавл қаласында дүниеге келді. Қазақстан суретшілері ассоциациясының мүшесі.

Шығармашылығы.

</gallery> Манаш Қозыбаев атындағы Солтүстік Қазақстан облыстық мемлекеттік университетін аяқтады. 1993-2014 жылға дейін облыстық көркемсурет лицейінде өнер тарихы, ұсақ моншақпен әсемдеу, фитодизайн пәндері бойынша ұстаздық етті. Лицейде қызмет ету барысында киізді көркем өңдеу бойынша оқу бағдарламасын құрастырып, оны кескіндеме, графика, мүсін сынды міндетті пән ретінде енгізуге атсалысты. Киізден түрлі бұйымдар жасауды қолға алған қолөнерші өзінің шеберлігімен облыстың өнер пәнінен сабақ беретін мұғалімдерімен бөлісті. Оларға үнемі шеберлік сыныптарын ұйымдастырып тұрды. Қазіргі таңда Солтүстік Қазақстан облысында ұлттық қолөнерді жаңғыртып жүрген қолөнершілердің бірі. Ол фелтингпен облыста белсенді түрде алғашқылардың бірі болып айналыса бастады. Киізден жасалатын текемет, сырмақ сынды бұйымдармен қатар, киізді киім дизайнына енгізіп, қыз-келіншектерге арналған авторлық бас киімдерден бастап, қамзол, пальто дайындап қана қоймай, ойыншықтар мен кәдесыйлар және т.б. дайындайды. Киізді қолдана отырып, пейзаж, натюрморт жанрларында ерекше декоративті паннолар да жасайды. Вера Имашбаева 2012 жылы Т.Жүргенов атындағы Қазақ Ұлттық өнер академиясы ұйымдастырған киізден халықаралық симпозиумда Солтүстік Қазақстан облысының атынан қатысқан жалғыз суретші. Ұсақ моншақтардан жасаған бұйымдары 2006 жылы жарық көрген Қазақстанның қолөнершілерінің катологына енді. Ол облыстық, республикалық, халықаралық көрмелердің үнемі қатысушысы. Оның бұйымдары Қазақстан, Ресей, Германия, Швеция, Ұлыбритания, Канада және АҚШ елдерінің жеке коллекцияларында сақталған.