Қатысушы:Сағындық Нұртілеу
Ана туралы жыр[өңдеу | қайнарын өңдеу]
Ана туралы жыр-Қазақтың ұлы композиторы Шәмші Қалдаяқовтың әні.
Әннің авторы[өңдеу | қайнарын өңдеу]
Шәмші Қалдаяқов-композитор,аса көрнекті сазгер, ән жанрының әйгілі майталманы, Қазақстан мәдениетіне еңбегі сіңген қайраткер, осы заманғы қазақ эстрадасының негізін салушылардың бірі, Қазақстанның халық әртісі,қазақ вальсінің атасы. Оңтүстік Қазақстан облысының Қызылқұм ауданында дүниеге келді. Бала кезінен бойындағы бар талантын алқалы жиын, аламан бәйгелерде көрсете білді. 1950 жылдан бастап шығармашылықпен түбегейлі түрде шұғылданды. 1956-1962 жж. Құрманғазы атындағы мемлекеттік консерваториясында В.В.Великанов класында оқыды. Кәзіргі уақытта елге танымал көптеген шығармалардың авторы
Әннің тарихы[өңдеу | қайнарын өңдеу]
Шәмші Қалдаяқов консерваторияда оқып жүрген кезінде ауылынан анасы өмірден озыпты деген суық хабар жетеді. Қаралы хабарды естіген бойда ол оқуын тастап, ауылына асығады. Анасының мезгілсіз қазасы оның жанына қатты батады. Көзі тірі жандардың арасынан анасын іздеп, жаны жабырқайды. Анасы дүниеден өтер кезде: - Балам, мен өмірден жас кеттім демеймін, немере сүйіп, келін көруді құдай бұйыртпады. Тағдыр солай, қайтейін! Бар тілеуім Сен аман бол! Дүниеге келген әнің айтылмай жатып үзілмесін, ұзаққа жетсін. Бақытты бол, балам!- дейді. Ананың ақ лебізін естіген Шәмші өзін сәбидей сезінеді. Анасының ең жақын жан екенін түсінген Шәмші: - Ана, мен сенің басыңа кесене, ғимарат орнатам деп айта алмаймын, бірақ мен саған әннің ең асылын, ең нәзігін арнап жазамын, ол ешқашан да ұмытылмайды,- дейді. Бұл 1957жылдың 4 қыркүйегі болатын. Белін бекем буып, Алматыға оралған бойда ол Жазушылар Одағына барады. Ақын-жазушы замандастарына жолығып: «Ана туралы өлең жазып беріңдер, жігіттер» деп қолқа салады. Сонда оған замандастары:«Жақында Ғафудың да анасы өмірден өтіп еді. Сен одан да сол жігітке бар» деп жауап қатып, жол сілтейді. Шәмші дереу ақын Ғафу Қайырбековке жолығып, әнін тыңдатады. Ғафу әнді тыңдап, біраз уақыт үнсіз отырады. Ол да анаға арнау ретінде жыр жазуды ойластырып жүрген екен. Сазгердің мұңлы сазынан кейін ол 15 минуттың ішінде «Ана туралы жыр» әнінің мәтінін жазып береді. Осылай Шәмші өзінің сөзін 1961жылы орындайды. Ана туралы жыр» әнін алдыңғы буыннан бастап қазіргі жас өнерпаздар орындап жүр. Әсем ән бірталай әншінің ән қоржынан орын алуда.
Ән сөзіне сілтеме[өңдеу | қайнарын өңдеу]
"Ана туралы жыр" - анаға сағыныштан туған ән