Қатысушы:Тұтқабай ФАЗЫЛБЕК
Тұтқабай Есенбайұлы ФАЗЫЛБЕК. 1981 жылы 15 қарашада Қазақстан Республикасы Қызылорда облысы Жаңақорған ауданы Сунақата ауылында туылған. Ұлты – қазақ. Білімі – жоғары. 1998-2002 жылдар аралығында Қ.А.Ясауи атындағы Халықаралық қазақ-түрік университетінде білім алған. Халықаралық үлгідегі үздік дипломның иегері. Мамандығы – филолог. 2002-2004 жылдар аралығында Қ.А.Ясауи атындағы Халықаралық қазақ-түрік университетінің Магистратурасында, ал, 2005-2007 жылдар аралығында Аспирантурасында оқыған. Ғылыми дәрежесі – Филология магистрі. Қазақстан Журналистер Одағының мүшесі. 2009 жылы Оңтүстік Қазақстан облысы әкімінің Алғыс хатымен марапатталған. 2013 жылы Оңтүстік Қазақстан облысы әкімінің Грамотасымен, Оңтүстік Қазақстан облыстық мәслихаты хатшысының Грамотасымен, «Нұр Отан» ХДП ОҚО филиалы төрағасы 1-орынбасарының Алғыс хатымен марапатталды. Дариға Нұрсұлтанқызы Назарбаеваның мұрындық болуымен қазақ топырағында жыл сайын дәстүрлі түрде өтетін Еуразиялық Медиа Форумның 2007-2008 жылдардағы қатысушысы. Еңбек жолын Шымкент қаласындағы Оңтүстік Қазақстан педагогикалық университетінің «Қазақ әдебиеті» кафедрасында оқытушылықтан бастаған. Жоғары оқу орнында тәрбиелеген шәкірттері бүгінде Қазақстанның түкпір-түкпірінде абыройлы еңбек етуде. Журналистикаға алғаш рет 2004 жылы қадам басты. «ЕВРАЗИЯ-KZ» республикалық қоғамдық-саяси газетінде «Саясат» және «Экономика» бөлімдерін басқарды. Бұдан кейін Шымкент қаласы әкімдігіне қарасты Ақпараттық-сараптау орталығына жетекшілік етті. Шымкент қаласы әкімдігінің «Шымкент келбеті» қоғамдық-саяси газетінің жауапты хатшысы қызметін атқарды. «ОРДА-KZ», «УАҚЫТ» республикалық қоғамдық-саяси газеттерінде Бас редактордың орынбасары болып еңбек етті. Тұтқабай Есенбайұлы бұдан бөлек телевизия саласы бойынша да тәжірибелі маман саналады. 2008-2009 жылдары «АЙҒАҚ» телерадиокомпаниясының Бас редакторы лауазымын абыроймен атқарды. Ал, қазіргі таңда «СТРАТЕГИЯ» ЖК директоры. 2013 жылдың 25 шілдесінде Республикалық «СТРАТЕГИЯ» қоғамдық-саяси газетін дүниеге әкелді. Аталмыш басылымның Директор-Бас редакторы. Сондай-ақ «Ақ жол» демократиялық партиясының басылымы саналатын «САЯСАТ-ақпарат» республикалық қоғамдық-саяси газетінің Бас редакторы қызметін қоса атқаруда. Отбасылы.