Қатысушы:Aisulu Nurlanovna/Қазақстан мен Бразилия арасындағы екіжақты қарым-қатынас

Жалпы мәліметтер

Бразилия Федеративтік Республикасы Қазақстан Республикасының тәуелсіздігін 1991 жылы 26 желтоқсанда мойындады. 1993 жылғы 22 қыркүйекте Қазақстан мен Бразилия арасында дипломатиялық қарым-қатынастар орнатылды. 2006 жылғы тамызда Астана қаласында Бразилия Елшілігінің ашылу рәсімі өтті, ал 2012 жылдың қазанында Бразилиа қаласында Қазақстанның Елшілігі ашылды [1]. 2014 жылдың ақпан айынан бастап Деметрио Буено Карвальо Бразилия Федеративтік Республикасының Қазақстан Республикасындағы Төтенше және Өкілетті Елшісі болып қызмет істеп келеді. 2016 жылғы 29 наурызда ҚР Президентінің Жарлығымен Қайрат Саржанов Қазақстан Республикасының Бразилия Федеративтік Республикасындағы Төтенше және Өкілетті Елшісі болып тағайындалды [2]. Қазақстан мен Бразилия арасындағы ынтымақтастық 2007 және 2009 [3] жылдары жоғарғы деңгейде өткен екіжақты мемлекеттік сапарлар қорытындылары бойынша қол жеткізілген уағдаластықтарға негізделеді. Саяси диалог Сыртқы істер министрліктері арасындағы консультациялар тетігі арқылы қуатталады. Екі ел арасындағы көпжақты нысандағы өзара ықпалдастықта та ілгерілмелі дамып келеді. Қазақстан мен Бразилия 2012-2015 жж. арналған БҰҰ Адам құқытары жөніндегі кеңесіне ұсынылған кандидатураларын екі жақты қолдаған болатын. 2016 жылдың қазан айында Қазақстан Бразилияның кандидатурасын БҰҰ Адам құқықтары жөніндегі кеңесі құрамына сайлануын қолдады. Қазақстанның БҰҰ Қауіпсіздік Кеңесінің тұрақты емес мүшесі болып тағайындалғанының қорытындылары бойынша Бразилия Сыртқы істер министрлігі Қазақстанның сыртқы саяси бастамалары мен Мемлекет басшысының хадықаралық бейбітшілік пен қауіпсіздікті сақтаудағы рөлін жоғары бағалайтындығы туралы құттықтау хат жолдады. Қазіргі таңда Қазақстан мен Бразилия арасындағы шарттық-құқықтық база 5 мемлекетаралық және үкіметаралық шарттардан, сондай-ақ түрлі салаларды қамтитын 4 үкіметаралық құжаттардан тұрады.

Екіжақты қарым-қатынастардың шарттық-құқықтық базасы

Мемлекетаралық және үкіметаралық халықаралық келісімдер:

1.Қазақстан Республикасының Үкіметі мен Бразилия Федеративтік Республикасының Үкіметі арасындағы сауда-экономикалық ынтымақтастық туралы келісім (2007 жылғы 27 қыркүйек, Бразилиа қ., 2013 жылғы 25 наурызда күшіне енді) [4];

2.Қазақстан Республикасының Үкіметі мен Бразилия Федеративтік Республикасының Үкіметі арасындағы дипломатиялық және қызметтік паспорттардың иелерін визалық талаптардан босату туралы келісім (2007 жылғы 27 қыркүйек, Бразилиа қ., 2008 жылғы 8 қыркүйекте күшіне енді) [5];

3.Қазақстан Республикасы мен Бразилия Федеративтік Республикасы арасындағы қағидаттар туралы өзара қарым-қатынастар декларациясы (2007 жылғы 27 қыркүйек, Бразилиа қ.);

4.Қазақстан Республикасының Үкіметі мен Бразилия Федеративтік Республикасының Үкіметі арасындағы ауыл шаруашылығы саласындағы техникалық ынтымақтастық туралы ниет хаттамасы (2007 жылғы 27 қыркүйек, Бразилиа қ.);

5.Қазақстан Республикасының Үкіметі мен Бразилия Федеративтік Республикасының Үкіметі арасындағы Қазақстан Республикасы мен Бразилия Федеративтік Республикасы азаматтарының қысқа мерзімді визасыз сапарлары туралы келісім (2016 жылғы 6 қыркүйекте күшіне енді) [6].

Ведомствоаралық құжаттар:

1.Қазақстан Республикасының Сыртқы істер министрлігі мен Бразилия Федеративтік Республикасының Сыртқы істер министрлігі арасындағы саяси консультациялар туралы хаттама (2007 жылғы 27 қыркүйек, Бразилиа қ.);

2.Қазақстан Республикасының Сыртқы істер министрлігі мен Бразилия Федеративтік Республикасының Сыртқы істер министрлігі арасындағы саяси, экономикалық, сауда және инвестициялық диалогты орнату туралы меморандум (2013 жылғы 2 қазан, Бразилиа қ.);

3.Қазақстан Республикасының Спорт және дене шынықтыру агенттігі мен Бразилия Федеративтік Республикасының Спорт министрлігі арасындағы спорт саласындағы ынтымақтастық туралы меморандум (2013 жылғы 2 қазан, Бразилиа қ.);

4.ҚР Президентінің жанындағы Мемлекеттік басқару академияс мен Бразилия Сыртқы істер министрлігінің Рио-Бранко институт арасындағы меморандум (2013 жылғы 2 қазан, Бразилиа қ.).