Қатысушы:Aq.Sholpan/зертхана

Анаң болған қандай жақсы қасыңда

Сағынады аналарын үлкені де, жасың да

Қандай ыстық, қандай жақсы көздері

Балдай тәтті саған айтқан сөздері

Ана деген бір әлем ғой балаға

Баршы мейлі қалаға да, далаға

Таппайсың ғой ондай жанды еш қайдан

Ғайып болды, көру енді бір арман

Сағынарсың түнде жатып төсекте

Қос жанарың болар сонда есікте

Келіп қалса, шіркін оны бір көрсем

Құшағыма қысып алып иіскесем

Деп ойларсың, көз жасыңды тыйалмай

Жүрек соғар бір кеудеңе сыйалмай

Тек жастығың сырласың да, мұңдасың

Бар сырыңды соған ғана айтарсың

Жан дүниең астан-кестен болады

Небір ойға шақша басың толады

Әлі алда дәл осындай түндерің

Бірте-бірте үзіледі ау күдерің

Енді келмес естісе де даусыңды

Жансыз сурет басар сенің мауқыңды

Ақ жаулығы, ақ көйлегі қалғаны

Диваны да жетімсіріп тұрғаны

Үнсіз қалды телефоны өшіп тұр

Шкавы да босап қалды, енді құр

Салдырлаған ілгіштері сұраусыз

Төсегі де суып кетті, енді сыз

Үйге барсаң қарсалмайды алдыңнан

Қиналғанда табылмайды жаныңнан

Дауыстасаң естімейді сені ол

Шақырсаң да, қарамайды саған ол

Бәрі жалған, бәрі өтіп кетеді

Арпалыспен күнің сенің өтеді

Бала кезім, сен бақытым екенсің....

Сәлима Аққалиқызы

17.12.2021