Қатысушы:Baaakkalam/Исаева Бақыт Ақышқызы

Исаева Бақыт Ақышқызы
Исаева Бақыт Ақышқызы
Туған күні	1 қазан 1953 жыл
Туған жері	Жамбыл облысы, Шу қаласы
Азаматтығы	Қазақстан
Ұлты	Қазақ
Шығармалардың тілі	Қазақ
Марапаттары	Астана 10 жыл, Б.Момышұлы-100 жыл, Шу ауданы 80,Шу қаласы 50 жыл, Тәуелсіздікке 25 жыл мерекелік медальдары

      Қазақстан Республикасының Мәдениет қайраткері, Қазақстан Журналистер Одағының мүшесі,  Оқушылар мен жасөспірімдерге арналған республикалық «Қазақстан Патриоты»  журналының меншікті тілшісі, Қазақстан Жамбыл облысы, Шу қаласының, сондай - ақ Шу ауданының «Құрметті азаматы», ақын - сазгер Бақыт Ақышқызы 1953 жылы 1 қазанда Жамбыл облысы, Шу қаласында дүниеге келді, ұлты қазақ.1960 жылы бұрынғы №308, кәзіргі Ы.Алтынсарин атындағы мектептің табалдырығын аттап, 1970 жылы бітірді. 1970 - 1975 жылдар аралығында Шу астық тарату базасында, қойма меңгерусінің көмекшісі.  1975 - 1980 жылдар аралығында Қарағанды Мемлекеттік Университетінің «Экономика» факультетінің қаржы және несие мамандығы бойынша тәмандады. 
      1982 - 1987 жылдары Жамбыл қалалық партия комитетінің жанынан құрылған Марксизм-Ленинизм Университетін бітірді. 
      1980 жылы Шу қалалық жүк тасымалдау автотранспорт кәсіпорында инженер экономист, бас экономист қызметтерін атқарды. Сол қызмет саласында жүріп, 1980-1989 жылдар аралығында бастауыш ұйымның комсомол хатшысы болды. 
      Мектеп қабырғасынан өлең жазған Бақыт Ақышқызы  шығармашылық өнер айдынында 45 жылдан аса еңбек етіп келеді. Сазгер ретінде бүгінгі таңда 170-ке жуық әндердің авторы. Негізінен өскелең ұрпаққа рухани азық беретін патриоттық тақырыпқа бағытталған. Оның 50-ге жуығы жас бүлдіршіндерге           арналған. Көптеген әндердің сөзін өзі жазады. Ән - жырлары еларалық, республикалық, облыстық, аудандық басылымдарда үнемі кеңінен жарияланып тұрады. 
      2003 жылы Бақыт Ақышқызының Алматы қаласы, «ҚазАқпарат» баспасынан «Қазағым - елім» ән жинағы жарық көрді.
      Сондай -ақ,  Тараз қаласында 1993 жылы «Көңілдерге қуаныш сыйлағандар», 2006 жылы «Алтын бесік», 2008 жылы Астана қаласынан  шыққан «Ана жүрегі», 2014 жылы Алматы, Мирас баспасынан «Балуан Шолақ», 2016 жылы «Аруна» баспасының Қытайда шығарылған «Мерекелік тақпақтар»   атты т.б.жыр жинақтарына біраз өлеңдері енген. 
      2010 жылы  Шу ауданының 80, Шу қаласының 50  жылдық мерейтойына орай  шыққан   Шу энциклопедиясы кітабына енді. 
      Астана қаласының 10 жылдық мерейтойына арнайы «Астана» әнін  шығарып, байқауда Бас жүлде иеленіп, мерекелік «Астанаға 10 жыл» медалімен марапатталды. 
      Көптеген өлеңдері мен әндері мектептер мен балабақшалар бағдарламаларына енген. Өзінің тәрбиелеп жүрген шәкірттері байқауларға қатысып, аудандық, облыстық, республикалық жүлделерге ие болуда. 
      Шу қалалық, аудандық мәдениет үйлерінде: «Қазағым – елім», «Елім» - деп,  соққан жүрегім», «Ана тіліңді ардақта», «Әнім де, жырым да саған – Туған Жер», - әрі мектептермен, балабақшаларда: «Балаларым – бақытым», «Біз – Болашақ»,  «Біз – елімнің жұлдызы» т.б. бірнеше шығармашылық кештерін өткізді. Кеш барысында Бақыт Ақышқызы өзінің өлеңдері мен әндері жарық көрген кітаптары мен «Балдырған», «Қазақстан Патриоты» т.б. журналдарымен «Жыл он екі ай» кітапшаларын сыйға кеңінен таратты. Бақыт Ақышқызы ел ертеңі, өскелең ұрпақты ұлттық, патриоттық тәрбиелеудегі үлесі зор деуге болады.  
2010 жылы 4 мамырда Шу ауданы, Көкқайнар ауылында сол ауылдың төл баласы болған Кеңес Одағының батыры Саттар Естемесовтың рухына арнап, Ұлы Отан соғысының 65 - жылдығына, Шу ауданының 80 - жылдығына орай  «Ел есінде – ер Саттар» - атты үлкен қайырымдылық шығармашылық кешін Көкқайнар ауылдық Мәдениет үйінде өткізді. Осы мерекеге орай ескерткішін орнату мәселесі жөнінде Шу аудан әкімі Қ.К. Жабағиев, облыс әкімі Қ.А. Бозымбаев мырзаларға хат жолдап, Жамбыл облыстық Ақ жол газетіне кең көлемді мақала берілді. 
      Сондай - ақ, Бақыт Ақышқызы өз тарапынан көмек қажет ететін үлкенге де, кішіге де құрмет көрсетіп келеді. Соның бірі 2009 жылғы наурыз мерекесіне орай Шу қаласының Ы.Алтынсарин мектебінің вокал тобына ұлттық нақышта  арнайы арнап, тіктірткен киімдерін  атап  айта кетуге болады. 
      2010-2016 жылдары аралығында Елбасымыз Н.Ә.Назарбаевтың Қазақстанның болашағы, жастарды Отансүйгіштікке баулу, патриоттық рухта тәрбиелеу саясатын қолдап, «Біз-Болашақ» атты бастамасымен Шу қаласының «Ы.Алтынсарин», «Төле би», «Ғ.Мұратбаев», «№40», «Жібек жолы» мектеп-лицейінде, «С.Сейфуллин», сондай-ақ ауданның «М. Мақатаев», «С. Шәкіров», «Е.Бекмаханов» мектептерінде, сондай-ақ Шу қалалық мәдениет үйінде «Қазағым – елім» атты ән байқауы мен жыр мүшәйрасын, Шу аудандық мәдениет үйінде, Тараз қаласында «Ш.Уалиханов» атындағы облыстық кітапханада жоғарғы оқу орнының студент жастарымен Шу ауданы әкімдігінің, Шу аудандық Білім басқармасы, Шу ауданы әкімдігінің мәдениет және тілдерді дамыту бөлімінің  қолдауларымен  үлкен шығармашылық кештерін өткізді. Осы бастама барысында «Біз – Болашақ» өлең жазып, ән шығарды.
      Шу ауданы Жаңа жол ауылындағы Б.Момышұлы атындағы мектепте батырдың 100 - жылдық іс-шараға белсене араласып, әнұран шығарған автор,  батырдың мерекелік медалімен марапатталды.
       
      Жұмысына тыңғылықты, еліне еңселі үлес қосып, елінің абыройын асқақтатып жүрген Бақыт Ақышқызы Мемлекеттік және қоғамдық қызметте сіңірген еңбегі, елдің әлеуметтік – экономикалық, әдебиет пен мәдениеттің дамуына, халықтар арасындағы достық пен ынтымақтастықты нығайтуға қосқан зор үлесі үшін: Қ.Р Президентінің «Құрмет грамотасы», «Нұр Отан» ХДП-ның «Құрмет грамотасы», «Қазақстан Патриоты» журналының «Алғыс хаты», Жамбыл облысы маслихатының  «Құрмет  грамотасымен»,  Шу аудан әкімінің, аудандық мәслихаттың: «Құрмет грамоталарымен», «Алғыс хаттарымен» - марапатталды. Әйелдер форумында  «Көш бастаушы ана» атағы, халық қаһарманы Қ.Рысқұлбековтың төс белгісінің иегері. 2016 жылы Тәуелсіздіктің  25 жылдық мерейтойының мерекелік медалімен марапатталды.