Қатысушы:Eldar Almas/зертхана

«Авеста» – ең көне кітаптардың бірі

«Авеста» - жер бетіндегі ең көне кітаптардың бірі. «Авеста» - Қазақстан , Орталық Азияда, Иранда, Әзірбайжан, Ауғанстан жерінде таралған Заратуштра ілімінің қасиетті жазбалар жинағы. Біздің заманымыздан бұрынғы 3 – ғасырда ғылымда «Авеста тілі» деп аталатын тілде хатқа түскен. Арий дәуіріндегі ежелгі халықтардың өмірі , мәдениеті, діни наным-сенімдері, әдет-ғұрыптары жөнінде мол мағлумат береді. 21 кітаптан тұрған, ал біздің заманымызға оның төрттен бірі ғана жеткен. «Авестаның» осы сақталған бөлігінің екі нұсқасы бар. Бірінші нұсқасы әртүрлі кітаптарды біріктіретін мінажаттардан тұрса, екінші нұсқасында дін , құқық , табиғат , дүниенің жаратылуы туралы дұғалар және ән-ұрандар келтірілген. Ұзақ тарихи жолдан өтіп, қазіргі заманға жеткен бұл шығарма толықтырылып, өзгерістерге түскен. «Авеста» - Заратуштра пайғамбардың рухани ілімі мен құдайға құлшылық ету уағыздары жинақталған кітап. Авеста уағыздары бүкіл мұсылман әлеміне таралған. Ислам мәдениетіне, оның ішінде сопылық ағымға ықпалы күшті болды. «Авестадағы» оқиғалар кейін түркі халықтарының көне эпостарында көрініс тапты.