Қатысушы:Galimbekovanel/зертхана

Біріккен Ұлттар Ұйымы Моделі - бұл ой талқылау және студенттік конференция режимінде өтілетін танымал әлемдік бағдарлама. Бұл жаңа идеялар, пікірлер, әсер тудыратын, өзін-өзі дамыту мен өз ойын білдіруге бірегей мүмкіндіктер беретін, интеллектуалдық және шығармашылық қабілеттерін, ой-сана мен жаңашыл ойлануды танытып әрі дамытатын үздік мектеп саналады. Халықаралық деңгейде өткізіліп отырған конференцияның негізгі мақсаты – студенттердің бойына көшбасшылық және дипломатиялық қарым-қатынас қасиеттерін сіңіру.[1]

БҰҰ Моделінің қатысушылары – делегаттар, төрағалар, бақылаушылар мен сарапшылар – комитеттің күн тәртібіндегі сұрақтарын талқылау үшін конференцияға келген БҰҰ-ға мүше мемлекеттердің ресми өкілдері мен халықаралық ұйымдарының мүшелері ретінде сөз сөйлейді. Ойын барысында делегаттар өздерінің жеке көзқарастарын емес, өкіл болып отырған елдің ресми ұстанымын қорғайды. Әр комитеттің соңғы мақсаты – аталған сұрақтар бойынша қарар қабылдау.

Тарихы

БҰҰ моделіне ұқсас іс-шара өткізу идеясы алғаш рет АҚШ колледж студенттердің американдық Сенат жұмысының үлгісін жасау барысында пайда болды. Одан кейін халықаралық ұйымдар саны артып, олардың қызметтерінің моделдері пайда бола бастады. Тарихи ақпарат бойынша ең алғаш БҰҰ Моделі конференциясы 1953 жылы Гарвард Университетінде өткізілді.

Қазіргі таңда БҰҰ Моделдерінің өткізілу аумағы Солтүстік Америкадан дүниежүзілік елдерге дейін ұлғайды. Әлемде өтетін моделдірлен ішінен ең танымал Гаага қаласындағы Еуропалық Халықаралық БҰҰ Моделі (TEIMUN). 1990 жылы Ресей Федерациясы территориясында алғаш рет БҰҰ Моделі жүргізілді.

Қазақстандағы БҰҰ Моделінің дамуы

Қазақстан Республикасында жастар үшін «БҰҰ-ның кіші моделі» еліміздің әр қалаларында ұйымдастырылып, белсенді жастардың басын қосып отыр. Мысалы, Әл-Фараби атындағы Қазақ ұлттық университетінде БҰҰ-ның 70-жылдығына орай «Біріккен Ұлттар Ұйымының кіші моделі – Жаңа Жібек жолы» конференция өткізілді. Іс шараны Кәрімжан Шакиров, халықаралық қатынастар факультетінің деканы, ашып, бұл кіші модельдің өзгешелігі БҰҰ Бас Ассамблеясының тұрақты даму жөніндегі шешіміне арналатынын атап өтті.

БҰҰ-ның кіші моделі барысында Бас Ассамблея, Қауіпсіздік кеңесі мен БҰҰ-ның Балалар қоры кмитеттері жұмыстарын ұйымдастырды. Конференцияға қатысушылар киберқауіпсіздік, діни қақтығыстарды шешу жолдары, жас жеткіншектер арасында психикалық ауытқушылықтармен күрес деген әлеуметтік тақырыптарды талқылады. Жиын барысында Қазақстан Республикасындағы БҰҰ-ның қоғамдық ақпарат департаментінің өкілі Властимил Самек, халықаралық қатынастар факультеті деканының ғылыми істер жөніндегі орынбасары Лейла Деловарова, «Біріккен Ұлттар Ұйымының кіші моделі – Жаңа Жібек жолы» директоры Рафис Абазов, UNDPI офисінің ассистенті Ален Құспанов сөз алды. Олар әрбір қатысушының жаһандық мәселеледің шешіміне өзіндік үлесін қосатынын атап өтті. Сонымен бірге жақын арада Елбасы Нұрсұлтан Назарбаевтың баяндамасы Елбасының БҰҰ-ның 70 жылдығына арналған саммитінде талқыланып, ондағы ойлар мен ұсыныстарға қатысты пікірлер айтылды.

БҰҰ моделінің ұйымдастыру комитетінің төрайымы Рано Юсупова айтуынша: "Осындай талқылау барысында студенттер өздерінің білімдері мен танымдарын арттырып, елшілік қырларын шыңдайды".

«Біріккен Ұлттар Ұйымының кіші моделі – Жаңа Жібек жолы» жобасы Әл-Фараби атындағы Қазақ ұлттық университетінің БҰҰ өкілдігі мен АҚШ-тың Бас консулдығы қолдауымен ұйымдастырылған. Ең белсенді болған БҰҰ моделі клубының мүшелері Рим, Дели және т.б. қалаларда өткен халықаралық конференцияда Қазақстанды таныстырып, ел беделін көтеруге өз үлесін тигізді.[2]