Қатысушы:Muhtar Baqytuly/зертхана

Бөкеншібай ұлы Бабыр (шамамен 1770, Ұлытаудың батыс беткейі, Жыланшық ө-ң жоғарғы саласы — 1864, сонда) — батыр, би, болыс. 1830 жылдан Төрт босағаның бірі, Қожас — Ибескі — Жұртшы болысын үздіксіз 26 жыл басқарған. Жапелтөс шоқысының төңірегіне үй тұрғызып, егіншілікпен айналысқан. 1850 жылы болыс екінші гильдиялы орыс көпесі Н. А. Ушаковқа Жезқазғанның 6 кен орнын өндірістік игеруге жалға берген. Сөйтіп, Бабыр Бөкеншин мысты өлкенің жерасты байлығын игеруге бірінші инвестор тартып, өңірді индустриаландыруға жол ашқан. Оның алыс-жақындар арасындағы сан алуан арыз-шағымдардың, даулардың ақ-қарасын ажыратып, ақиқатын айтуда беделі үлкен төреші болғаны белгілі. Орынбор генерал-губернаторы граф В. А. Петровский Омбы губернаторы Г. Х. Гасфортқа қатарынан екі хат жолдап, қазақтарға байланысты Б. Бөкеншинге салмақ салынса, істің әділ шешімсіз қалмайтынын атап көрсеткен. Бабырдың 10 баласы, 12 немересі хан Кенесары бастаған ұлт-азаттық қозғалысының қажетіне қызмет еткен. Бабыр би 1864 жылы Түркістан қаласындағы Қожа Ахмет Яссауи мавзолейінде жерленген. Жезқазған және Сәтбаев қаласында Бабыр би атында көше бар.