Қатысушы:Shugla Amangeldy/АҚАРЫҚ АУЫЛЫ
Ақарық ауылы Ақарық ауылы - Жалағаш ауданындағы ауыл.
Ауыл туралы[өңдеу | қайнарын өңдеу]
Іргесі 1931-32 жылдарда қаланған. Аламесек ауылдық округі орталығы. Ауыл Жалағаш кентінен 40км жерде Жаңадария өзенінің жағасына жақын жерде орналасқан. Бүгінде бұл ауылда 375 отбасы тұрады. Тұрғын халқы 2,32 мың адам (2014 жылғы санақ бойынша). 1996 жылға дейін күріш өсіретін "Ақарық" кеңшарының орталығы болып келеді.
Пайда болуы[өңдеу | қайнарын өңдеу]
1945-50 жылдар аралығында Ақарық, Көкпая, Жаңадария колхоздарын Е.Қаымсақов, С.Қайырманов, Қ.Әділбаев, С.Боранбаев, С.Сағынтаевтар басқарды. 1950 жылы бұл үш колхоз қосылып Ақарық колхозы болып қайта құрылды. Төраға болып сайланған Сыздық Еңсебаев аз уақыт ішінде халықты азық-түлік және тұрғын үйлермен қамтамасыз етуде айтарлықтай жұмыс жасады. Партия ұйымның хатшысы Махметхан Әбішев үгіт-түсінік жұмыстарын жүргізді. 1955 жылға Март Пленумыныңшешіміне байланысты колхоз төрағасы болып жоғары білімді Төлеген Бисебаев сайланды. Ол 1958 жылға дейін басқарды. Ол бұл уақыт аралығында көптеген пайдалы істер жасады. 1956 жылы шаруашылық 490 гектар күріш егіп, мемлекетке 8370 центнер астық тапсырды. Бұл облыстағы ең үлкен көрсеткіш болды. 1986 жылы Ақарық бөлімшесі өз алдына ковхоз болып құрылды. Совхоз директоры болып Мұстафа Мамытов тағайындалды. Совхоз құрылғаннан бастап Ақарық ауылы жандана бастады.
Мекемелер[өңдеу | қайнарын өңдеу]
Ауылда жалпы орта білім беретін ( нөмірі 124 ) мектеп, 200 орындық мәдениет үйі, 14383 дана кітап қоры бар кітапхана, 10 орындық емдеу мекемесі жұмыс істейді. Кезінде бұл ауылда кешкі мектеп, музыка мектебі, байланыс бөлімі, қыш зауыты, күріш ақтайтын, ұн тартатын диірмен, жылы жай жұмыс істеп халыққа қызмет еткен. Ауылда Өтеулі қажы атындағы мешіт жұмыс істейді.