Қойнауқаттарды сынамалаудың геофизикалық әдістері

Қойнауқаттарды сынамалаудың геофизикалық әдістері. Ұңғыма оқпанының сыналмақ аралығының қанығу сипатын анықтау мақсатында оқпанға каротаж жұмырсымы немесе бұрғылау құбырлары арқылы түсірілетін арнаулы жабдықтар көмегімен қойнауқаттық люидтің ағып келуін жүзеге асыру. Жұмырсымға икемделген сынамалау жабдықтары жер бетінен басқарылып отыратын гидравликалық жүйемен және арнаулы баллонмен жабдықталған. Бұлардың алғашқысы сынаманы алу кұралын ұңғыма оқпанына қапысыз жапсарластыруды қамтамасыз ететін болса, екіншісі қойнауқат пен жабдық арасындағы қысым мөлшерінің айырмашылығы салдарынан сол жабдыққа оқпанмен жанасқан қойнауқат өңірінен флюидтердің келіп кірігуін қамтамасыз етеді. Осылайша алынған флюид сынамасы зертханаларда сараланып, оның түрбөлшектік химиялық құрамы анықталады, ал мұның өзі қойнауқаттың қанығу сипатын анықтауға мүмкіндік береді. Құбырларға икемделген сынамалау жабдықтары көбірек мағұлмат алуға мүмкіндік береді, себебі олар қойнауқатта үлкен депрессия қалыптасуын қамтамасыз ете алады. Бұл сынағыштар "тереңдік монометрімен" және "термометрімен" жабдықталған. Олар қойнауқаттың флюидпен қанығу сипатымен қатар қойнауқаттық қысым мөлшерін, орташа тиімді өтімділікті, ағып келу дебитін т.с.с. анықтауға мүмкіндік береді.