Қону арақашықтығы

Қону арақашықтығы

Қону арақашықтығы (Посадочная дистанция) — авиациялық ұшу аппаратының қонуы кезінде қалыктау биіктігі, қону жолағына қауіпсіз жақындау шарттарын анықтайтын тұрақты бөгеттер биіктігіне тең жерден бастап, жерге қонғаннан кейін толық тоқтағанға дейінгі (немесе қону жолағынан шығудың басына дейінгі) жер бетімен салыстырмалы түрде жүріп өткен жолы. Қонудың өр түрлі тәсілдері үшін (мыс., арнайы тежегіш құрылғыларды колданумен) Қону арақашықтығының мөлшерін тұрақты метеорологиялық жағдайларда және ұшу аппаратының берілген қону салмағына қарай анықтайды. Қону арақашықтығы желдің жылдамдығы мен бағыты, атмосфералық кысым, температура (ауа райы өзгеруімен және аэродромның орналасу биіктігімен аныкталған), ұшу аппаратының қону салмағы сияқты қону шарттарына байланысты болады. Қону арақашықтығын кысқарту максатында қону жылдамдығын азайтатын қанаттың арнайы механизациясы (негізінен ұшақтарда), қозғалтқыштың тартылыс реверсі, тежегіш парашюттер және басқалар қолданылады.