Қосүйлі мысықтабан

Қосүйлі мысықтабан
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Қос жарнақтылар (unranked) Asterids Сабы: Asterales Тұқымдасы: Asteraceae Кіші тұқымдасы: Asteroideae Тайпасы: Gnaphalieae Кіші тайпасы: Cassiniinae Тегі: Antennaria Түрі: Қосүйлі мысықтабан
Екі-есімді атауы
Antennaria dioica (L.) Gaertn.

Қосүйлі мысықтабан (лат. Antennaria dioica) – астралылар тұқымдасы, мысықтабан туысына жататын көп жылдық, шөп тектес өсімдік.

Сипаты

• Биіктігі 25 см-дей.
• Тамырынан тікелей өсіп шығатын күрек тәрізді жапырақтарының үстіңгі жағы жылтыр да, астыңғы жағы түкті болады. Бәрі бір жерге жиналып топталып тұрады. Ал сабығынан өсіп шығатын жапырақтары сопақша, кезектесе орналасқан.
• Гүлдері ақ немесе қызыл түсті, майда, өсімдіктің жоғарғы жағында қолшатыр тәрізденіп шоғырланып тұрады.
• Қосүйлі мысықтабан қарағайлы ормандарда, шабындықтарда, далалы аймақтарда, бұталардың арасында өседі.

Құрамы

• Илік заттар
• Шайыр
• Сапониндер
• К дәрумені
• Фитостерин

Емдік қасиеті

• Дәрі жасау үшін өсімдіктің жер үстіндегі бөлігін гүлімен қоса жинап алады. Гүлін жинаған кезде тек толық ашылмағандарын жинау қажет.
• Халық медицинасында қосүйлі мысықтабанды өкпеден, геморрой түйіндерінен, жатырдан, мұрыннан, асқазаннан, ішектерден, сыртқы дене жарақаттардан кеткен қанды тоқтату үшін пайдаланады.
• Өсімдік гүлінің өт айдайтын қасиеті бар.

Тағы қараңыз

• Дәрілік өсімдіктер