Қос болымсыздық форма

Қос болымсыздық форма (орыс. двойная отрицательная форма) — бір сейлемде екі болымсыздық форманың қолданылуы. Бұл әр түрлі жағдайда көрінеді:

• I. Сөйлемде етістіктің болымсыз түрі мен болымсыздық мән беретін емес сөзі қатысқанда. Мысалы: Оның мұны білмеуі мүмкін емес. Осындай екі болымсыз форманың қолданылуы нәтижесінде сөйлем болымды мәнге ие болады.
• 2. Сөйлемнің болымсыздық мағынасын күшейту, нығайту үшін, болымсыздық есімдіктері мен болымсыз етістіктер тіркесіп айтылғанда. Мысалы: Біз ешкімді ешқайда зорлап сайламаймыз(Б. Майлин).
• 3. Ӏс-әрекетті болжау сипатында айтылатын сөйлемнің баяндауышы кейде болымсыз мәнді тіркес пен шартты рай етістіктің болымсыз түрінен жасалғанда. Мысалы: Колхоздан шығарып тастап жүрмесе (Б. Майлин).
• 4. Шартты рай етістіктің болымсыз түрі не қылсын арқылы жасалатын модальдық баяндауыш құрамында болымсыз -ма тұлғасы қатысқан жағдайда. Мысалы: Екі бақсының аулы атанбасақ не қылсын (Ғ. Мүсірепов).

Қос еріндік дауыссыздар (орыс. двугубные, билабиальные согласные (би екі,labialis - еріндік)) — екі еріннің бір-біріне нық тиісуі арқылы жасалатын дауыссыздар: б, п, м.