Қошқарбай батыр

Қошқарбай батыр - аңыз - әңгіме. Баянауылдық Райымбек Құдайбергенұлынан жерлесі Бекқожа Бөгенұлы 1935 жылы жазып алған. Аңыз қазақ-қалмақ соғысы кезінде ерлік көрсеткен Қошқарбай батырдың олжаға түскен қызды уәдесінде тұрып, Жайықбай молдаға беруі, ол қыздан туған атақты Қыпшақ Ыбырайдың ел-жұртқа қадірі артқан аға сүлтан болуы жайлы сыр шертеді. Халық ақыны Қайып Айнабековтің айтуынан жазып алынған "Қыпшақ Қошқарбай батыр" атты екінші нұсқаның сюжеттік құрылымына сәл өзгеріс енгізілген де, олжаға түскен қыз анасының өтініші бойынша Қошқарбай батыр қызды өз молдасы Жайықбайға арнайы қосуы, одан туған атақты Ыбырайдың елге сіңірген еңбегі мен оның балаларының тәкаппарлығы әңгіме болады. Алдыңғы нүсқа қара сөзбен жазылса, Қайып нұсқасында қара сөз бен қара өлең аралас келеді. Екі нұсқа да Орт. ғыл. кітапхана қорында сақтаулы.