Қоғамның әлеуметтік-аумақтық құрылымы
Адамның көпқырлы іс-әрекеті белгілі әлеуметтік-аумақтық бірлікте іске асырылады. Соның нәтижесінде бұл құрылым адамдардың өмір сүруінің маңызды шарты және формасы болып есептеледі.
Әлеуметтік-аумақтық бірліктің де өз статусы, элементтері бар. Олар - өндіріс күштері, техникалық-экономикалық және әлеуметтік- экономикалық қатынастар, таптар мен әлеуметтік топтар, әлеуметтік ұйымдар және институттар, мәдениет және тұрмыс т.б. Осылар арқылы бұл әлеуметтік- аумақтық бірлік белгілі ерекшеліктерге ие болады.
Қазақстан қоғамы әлеуметтік-аумақтық әкімшілік желіге бөлінеді. Олар - облыс, қала, аудан және село. Бұлардың негізгі көрсеткіштерінің бірі - халықтың орналасу жүйесі. Республика аумағының жалпы көлемі 2717,3 мың км, халқының саны 17 млн-ға жуық. бір км2 жерге 6 адамнан келеді. Қалада 8,5 млн селода 6,5 миллионға жуық халық тұрады. Бұл құрылым негізінен өндіріс күшінің орналысуымен байланысты. Зауыттар, фабрикалар, мәдени орындар негізінде қалада орналасқан. Сондықтанда халық селодан қалаға көшіп қонады. Республикада 1959 жылы қалаларда халықтың 44 пайызы тұрса, 1999 жылы 56 пайызы болды. Соңғы жылдары ескі қалалар жаңарып, жаңа қалалар пайда болды.
Қоғамның әлеуметтік құрылымдары өзара байланысты, екінші сөзбен айтқанда, бұл құрылымдар бүкіл қоғамды сипаттайды.
Дереккөздер[өңдеу | қайнарын өңдеу]
Адам және Қоғам. 11-сынып оқылығы
Авторы: Н.Күнқожаев