Қоңырау сырға
Қоңырау сырға – қоңыраушалары бар сырға түрі. Мұндай сырғаның қоңыраушаларына қосымша жеңіл салпыншақтар салынады. Олар құлаққа таққанда бір-біріне тиіп нәзік дыбыс шығарады.
Сипаты
ҚР ҰМ қорындағы қоңырау сырға (суретте) өзінің бітімімен ерекшеленеді. Сырғаға бірнеше қоңырау және жоғары тұсына шілтерлі сырға доға түріндегі сырғалықтан және күрделі әшекей пішінді негізгі бөліктерден тұрады.
Құлаққа ілінетін сырғалық баулары тұтас құйылып оның доғасына шілтері орнатылған. Доғаның төменгі жағына бес дана жарты шығыршық пішініндегі кішкене доға дәнекерленіп, оған ширатылған бес шынжырбау ілінген. Шынжырбаудың әрқайсысына екі-екіден маржан, ортасына қоңырау өткізілген. Ал, олардың ұшына екі кішкене және үш үлкен қоңырауша орнатылған. Қоңыраушалардың үлкені конус пішінді, кішкенелері – домалақ. Қоңыраушалардың жиегін айналдыра металдан шашақ тәрізді етіп салпыншақтар бекітілген.[1]
Дереккөздер
- ↑ ҚАЗАҚТЫҢ ЭТНОГРАФИЯЛЫҚ КАТЕГОРИЯЛАР, ҰҒЫМДАР МЕН АТАУЛАРЫНЫҢ ДӘСТҮРЛI ЖҮЙЕСI. Энциклопедия. – Алматы: РПК “СЛОН”, 2012. – (илл.) ISBN 978-601-7026-17-23-том: К – Қ – 736 бет.ISBN 978-601-7026-21-9
Әдебиеттер
- Шойбеков Р.Н. Қазақ зергерлік өнерінің сөздігі. Алматы: Ғылым, 1991;
- ҚӘТС. 10-том. Алматы: Арыс, 2009;
- ҚР МОМ – материалдарынан;
- ОМЭЭ – материалдарынан.