Қызылгвардияшылар ескерткіші

Қызылгвардияшылар ескерткіші – Тараз қалысының орталығында, Н.К. Крупская атындағы орта мектептің алдындағы скверде орнатылған. 1957 жылы Қазан революциясының 40 жылдығына орай Әулиеата социолистік қызыл ротасының мерт болған жауынгерлерін еске алу құрметіне байланысты тұрғызылған. Авторы К.Рахмати. 1919 жылы 19 сәуірінде Бешташ қойнауындағы Дмитриевка селосы (Талас қ. Қырғызстан) төңірегінде барлауға шыққан бес жауынгер жаумен бетпе-бет келіп, оққа ұшады. Олар қазіргі мектеп тұрған орындағы Ревком Үйінің алдындағы туысқандар зиратында жерленді. Биіктігі 7 метр бес бұрышты обелиск дөңгелек гүлді төбешік ортасында пирамидалық бес бұрышты тұғырға орнатылып, бетон тақталармен қоршалған. Кедергі – бордюрлардың үстіне жағалай орнатылған шағын пирамидалар лента шашақты лавр бұтақтарымен көмкерілген. Ескерткіш бетіндегі қызыл бесжұлдыз да лавр бұтақтарымен көмкерілген. Төменірек мәрмәр плиталарға «Мәңгі Даңқ өшпесін» деген сөздер, қызылгвардияшы жауынгерлердің аты-жөндері: Беспалов Иван, Галунчик Николай, Коломейцев Федор, Перепелкин Сергей, Тютюнников Федор деп жазылған. Бетон, лавр бұтақтары мен облискінің бас жағы шойын (құйылған), тұғырдағы веноктар – гипс. И. Самигулин, Т. Құлтаев