Қылтықсыз арпабас

Уикипедия — ашық энциклопедиясынан алынған мәлімет
Jump to navigation Jump to search
Қылтықсыз арпабас
BromusInermisFlowering.jpg
Ғылыми топтастыруы
Дүниесі: Өсімдіктер
(unranked) Дара жарнақтылар
(unranked) Commelinids
Сабы: Poales
Тұқымдасы: Poaceae
Кіші тұқымдасы: Pooideae
Тайпасы: Bromeae
Тегі: Bromus
Түрі: Bromus inermis
Leyss.

Қылтықсыз арпабас (лат. Bromus inermis) – астық тұқымдасының арпабас туысына жататын көп жылдық шөптесін өсімдік. Қазақстанның барлық жерінде (орманды, орманды дала, дала аймағында) кездеседі. Әсіресе, өзен алқабындағы шабындықтарда, егістіктен қалған жерлерде, таудың биік белдеуінде көп өседі. Биіктігі 40 — 120 см. Тамыр сабағы тармақты, шым түзеді. Сабағы тік, кейде түптеніп өседі. Жапырағы жалпақ, кейде ширатыла түскен 4 — 9 мм, бет жағы түкті болады. 5 — 12 жасыл немесе күлгін сұр гүлдері сыпыртқы гүлшоғырына топталған, ұзындығы 10 — 15 см. Масағының ұзындығы 15 — 30 мм, ені 3 — 5 мм. Маусым — шілде айларында гүлдейді. Дәні ірі (8 — 12 мм), ыстық пен суыққа төзімді. Құнарлы мал азығы. Кейбір жерлерде қолдан егіледі. Ерте көктемде шығады, га-сынан 30 — 610 ц пішен шабылады.

Дереккөздер[өңдеу]

Қазақстан энциклопедиясы