Қымызхана

«Қымызхана» – 1970 жылдары Қазақ теледидары көпшілік назарына ұсынған бағдарлама атауы..

Ойын-сауықтық бағдарлама көрермендер назарын аз уақыттың ішінде өзіне қаратып үлгерген болатын. Бірнеше жыл эфирден түспеген «Қымызхана» кейін жабылып қалады, 2006 жылы қазақ көрермендері сүйікті бағдарламасымен қайта қауышты. Бірақ бағдарлама ғұмыры ұзақ болмады. Белгілі бір себептермен қайта жабылады. Оның бұрынғы «Қымызханадан» айтарлықтай өзгешелігі болмады. Тек бұрынғы актерлердің орнын жастар басты. Барлық уақиға қымызхананың ішінде өрбиді. Кейіпкерлердің іс-әрекеттері, сөйлеген сөздері қазақы мінез әзілдің уытын танытқандай. Бағдарлама күлдіре отырып, қоғамның келеңсіз тұстарын көрсетуді өз міндеті деп санайды. Бағдарлама барысында ән мен күй орындалып, еліміздегі танымал адамдар қонаққа шақырылып отырады.