Қынагүл
| Қынагүл | ||||||||
|---|---|---|---|---|---|---|---|---|
 | ||||||||
| Ғылыми топтастыруы | ||||||||
|
Қынагүл немесе шыңқетер, шытырлақ (лат. Impatiens) – қынагүл тұқымдасына жатады. Отаны – тропикалық Африка аймақтары. Гүлдің 850-дей түрі белгілі. Сабақтарының биіктігі 40-50 см, тік орналасқан, сулы, жартылай мөлдір. Жапырақтары ұзыншақ сүйір болып келген, жиектері майда аратісті, түсі ақшыл жасылдан, қою жасыл аралығында. Гүл күлтелері жай және гүлпарлы, ал түстері күлгін, ақ, қызыл, ақшыл көк, қызғылт болады. Мол әрі ұзақ көктемнен күзге дейін гүлдейді.
Жарығы:[өңдеу | қайнарын өңдеу]
Жарық мол түсетін жерге орналастыру керек. Бірақ тіке күн сәулесінен қорғау қажет.
Жылуы:[өңдеу | қайнарын өңдеу]
Қыста 18ºС төмен түспегені абзал.
Суғарылуы:[өңдеу | қайнарын өңдеу]
Жаз айларында топырағы ылғалды болып тұрғаны абзал, қыста суды топырағының беткі қабаты құрғағанда ғана құю керек.
Ылғалдылығы:[өңдеу | қайнарын өңдеу]
Жапырағына су бүркіп тұру қажет. Гүлдеп тұрған кезінде гүлін қалқалап барып су бүрку керек, әйтпесе су тамшылары гүл күлтелерінде дақ қалдырады.
Қоректендірілуі:[өңдеу | қайнарын өңдеу]
Көктемнен күзге дейін гүлдейтін гүлдерге арналған тыңайтқышпен қоректендіріледі.
Аурулары:[өңдеу | қайнарын өңдеу]
Ауа құрғап кетсе өрмекші құрты, кене, өсімдік биті секілді зиянкестердің әсерінен ауырады.
Көбейтілуі:[өңдеу | қайнарын өңдеу]
Қалемшелеу, тұқымы арқылы көбейтеді.
Сілтемелер[өңдеу | қайнарын өңдеу]
- Гүлстан, өсімдіктер туралы сайт Мұрағатталған 20 ақпанның 2012 жылы.
Дереккөздер[өңдеу | қайнарын өңдеу]
"Гүлстан" республикалық ғылыми-танмыдық, көпшілік журнал, 2010 жыл ISSN 2078-6727