Қырықтөбе (қоныс)

Қырықтөбе — Бозанай құмының солтүстік-шығыс бөлігіндегі қоныс.

Атырау облысы, Исатай ауданы, Хамит Ерғалиев ауылының солтүстік-батысында 24 км жерде орналасқан. Солтүстік-шығыстан оңтүстік-батысқа қарай 21 км-ге созылған, енді жері 7-8 км. Қоныс, Ақсай және Бұғылыөзек өзендерінің аралығын қамтиды. Солтүстігінде Бескөл, Нұрымбет, шығысында Сүлмекқұдық, оңтүстік-шығысында Күнгей, Бақтыбай, Отырқожа, оңтүстігінде Сарыбай, Нұрман, Сүйен, батысында Күкіртті қыстаулары бар.