Қырғын қорымы
Қырғын қорымы (XIX-XX ғасырлардың басы) – Республикалық маңызы бар тарих және мәдениет ескерткіштерінің мемлекеттік тізіміне археологиялық ескерткіш.
Орналасқан жері
[өңдеу | дереккөзін өңдеу]Маңғыстау облысы, Қарақия ауданы, Жетібай ауылынан батысқа қарай 5 км жерде орналасқан.
Сипаты
[өңдеу | дереккөзін өңдеу]Қорым атауы жергілікті тұрғындардың қырғынға ұшырауына байланысты аталған.
Қорымның көне бөлігіндегі кесене мен сағанатам айналасында 26 ескерткіш орналасқан. Кесененің шығыс жағында бірнеше белтас және үштас түріндегі қойтастар кездеседі. Кесененің көлемі 4,17×6,17 м, биіктігі 6,34 м. Құрылыс дәстүрлі сұлбада тұрғызылған: жоспарда тік бұрышты негізгі көлемі кішігірім цокольден биік, конус тәрізді күмбезі цилиндрлі барабанда орналасқан. Есіктің 2 жақ шетінде негізгі қасбеті және ішкі көрініс өсімдік және геометриялық өрнектермен безендірілген. Ер адам, әйел адам аяқ киімі, араб тіліндегі жазулар кездеседі.
Есік қуысы екі жақ фасадында қуыстар орналасқан, парапетінде өрнектелген жазуларкездеседі. Сыртқы көрінісінде бұрыштарында тромптар кездеседі. Кесененің қабырғалары сағанатам қабырғаларындай дәстүрлі: 2 қабатты, араларына ұсақ тастармен толтырылған. Сағанатам өзіндік ерекшелігі бұрышынан төмен кететін трапеция түріндегі төбелер орнатылған. Барлық жақ бетінде бедерлі жануар суреттері бар.[1]
Дереккөздер
[өңдеу | дереккөзін өңдеу]- ↑ М19 Қазақстан Республикасының тарихи-мәдени ескерткіштерінің жинағы. Маңғыстау облысы. - Өскемен: AsT prime, 2012. - 600 бет. ISBN 978-601-06-2031-5
| ||||||||||||||||||
