Қысқы

Қысқы (Патрон) — дайындамаларды немесе кескіш құралдарды білдектерге бекітуге арналған білдек айлабұйымы немесе қосалқы құралы.

Түрлері

     Жону білдегінің үш- және төртжұдырықшалы қысқылары

     Бұрғыдағы цангылы қысқы

Бекіту әдісі бойынша қысқылардың түрлері:

• Қыспақты қысқы (Зажимный патрон) — бекіту үшін қыспақтық бөлшектерді қолданатын қысқы.
• Механикалык қысқы (Механический патрон) — бекіту үшін механикалық жүйені қолданатын қысқы.
• Цангылы қысқы (Цанговый патрон) — бекіту үшін цанга қолданылатын қысқы.
• Бұранда ойғыш қысқы (Резьбонарезной патрон) — бұранда ойғыш құралдарды бекітуге арналған қысқы.
• Пневматикалық қысқы (Пневматический патрон) — бекіту үшін қысылған ауа қысымын қолданатын қысқы.
• Электр магнитті қысқы (Электромагнитный патрон) — бекіту үшін электр магниттерін қолданатын қысқы.
• Байонетті қысқы (Байонетный патрон) — байонетті қыспағы бар қысқы.
• Жұдырықшалы қысқы (Кулачковый патрон) — бекіту үшін жүдырықшаларды қолданатын қысқы.
  • Үшжұдырықшалы қысқы — айналма денесі түріндегі дайындамаларды немесе тетіктерді центрлеуге және бекітуге арналған үш жұдырықшасы бар өздігінен центрленетін жұдырықшалы қысқы.
  • Төртжұдырықшалы қысқы — симметриялы емес дайындамаларды немесе тетіктерді бекітуге арналған төрт жұдырықшасы бар жұдырықшалы қысқы.

Сондай-ақ қысқылардың келесі түрлері болады:

• Жүзбелі қысқы (Плавающий патрон) — құралдың өңделетін тесікке өздігінен орнығу мүмкіндігін туғызатын қысқы.
• Жетекті қысқы (Поводковый патрон) — өзіне бекітілген дайындаманы немесе тетікті айналдыратын құрылғысы бар кысқы.
• Өздігінен орнығатын қысқы (Самоустанавливающийся патрон) — бекітілген құралдың өз осіне параллель және перпендикуляр орын ауыстыруы мен бірқатар бұрышқа тербелу мүмкіндігін туғызатын қысқы.