Қыша майы

Қыша майы, қыша өсімдігінің тұқымынан алынады, сұйық, сары түсті. Қату t –80°С-тан –170°C-қа дейін, иод саны 92 – 123, сабындану саны 170 – 184. Суда ерімейді, органик. еріткіштерде (төмен спирттерден басқа) ериді, тотығуға, ұзақ уақыт сақтауға төзімді. Құрамында организмге өте пайдалы 0,5% стеарин, 0,2% пальмитин, 22 – 30% олейн, тағы басқа қышқылдар бар. Оны қыша тұқымын сығу арқылы алады. Қыша майы нан пісіру, кондитер, консерві және сабын өндірісінде кеңінен қолданылады.