Құйрық ботқа
Құйрық ботқа, Көтен ботқа – адамның тіршілік циклы ғұрыптары қатарындағы жас сәбиге қатысты атқарылатын инициациялық ғұрып.
Ғұрып барысы
Ғұрып бала буыны бекіп отыра бастаған кезде жасалады. Оған арнап алдымен күріш немесе тарыдан ботқа пісіріледі. Суыған ботқаның үстіне ақ дәке немесе жұқа шүберек жауып, оған баланы отырғызады. Халықтың сенімінде құйрық ботқаға бала отырғызу оның сүйегі мен буыны тез қатаюына септігін тигізеді деп санайды.
Көтенін басуы
Шамамен алты айдын кейін буыны бекіп жерге өздігігінен отыра бастаған кезін баланың «көтенін басуы» деп атайды. Жиналған жұрт дастарқаннан дәм татып, балаға ақ баталарын беріп, киіміне тана, моншақ, әшекей тағады. Мұнан кейін көтенін басқан сәби бір-екі айдың ішінде еңбектей бастайды. Сәбидің тез еңбектеп кетуі үшін бауырынан табақ алу рәсімі өткізіледі.[1]
Дереккөздер
- ↑ ҚАЗАҚТЫҢ ЭТНОГРАФИЯЛЫҚ КАТЕГОРИЯЛАР, ҰҒЫМДАР МЕН АТАУЛАРЫНЫҢ ДӘСТҮРЛI ЖҮЙЕСI. Энциклопедия. – Алматы: РПК “СЛОН”, 2012. – (илл.) ISBN 978-601-7026-17-23-том: К – Қ – 736 бет.ISBN 978-601-7026-21-9
Әдебиеттер
- Қатран Д. Қазақтың дәстүрлi ас-тағам мәдениетi. Ғылыми редакторы және алғы сөздің авторы Нұрсан Әлімбай. Алматы: ҚМӨҒЗИ, 2002;
- Әжіғали С., Байғабатова Н. Жетісу қазақтарының салт-дәстүрлері мен әдет-ғұрыптары. Қазақ халқының дәстүрлері мен әдет-ғұрыптары. 1-том. Біртұтастығы және ерекшелігі. Алматы: Арыс, 2005. 176-202 бб.;
- ҚР ҰМ материалдарынан;
- ОМЭЭ материалдарынан.