Құлшар Бақтыбайұлы

Уикипедия — ашық энциклопедиясынан алынған мәлімет
Jump to navigation Jump to search
Құлшар Бақтыбайұлы
Туған күні

19 ғасыр

Туған жері

Үстірт, Маңғыстау облысы

Қайтыс болған күні

белгісіз

Мамандықтары

күйші

Аспаптары

домбыра

Жанрлары

күй

Лақап аттары

Қырықмылтық Құлшар

Құлшар Бақтыбайұлы, Қырықмылтық Құлшар (19 ғасыр, Маңғыстау түбегі, Үстірт өңірі – қайтыс болған жылы белгісіз) – күйші.

Өмірбаяны[өңдеу]

Адай руының қырықмылтық атасынан шыққандықтан ел арасында «Қырықмылтық Құлшар» атанған. Абыл күйшіден өнеге алған.

Құлшардың күйлері Мұрат, Шамғұл, Алым, Орлыбай, Сержан, тағы басқа домбырашы-күйшілердің орындауында халық арасында кеңінен тараған.

Шығармашылығы[өңдеу]

«Қырықмылтық Құлшардың қызбен және оның шешесімен күймен айтысуы» аталатын бірнеше күйі бар. Күй сайысында Құлшар «Қыз қамаған», қыз шешесі «Кербез» («Кербез Керік» деп те аталады) күйлерін тартады. Бұл күйлерді халық арасына Құлшардың өзі орындап таратқан. Құлшардың күйлері – үздік, ақпа-төкпе виртуоздық өнер туындылары.

Академик А.Жұбанов кезінде Құлшардың күйшілік өнерін ерекше бағалаған.[1]

Дереккөздер[өңдеу]

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8