Құрлық әскерлері

Құрлық әскерлері (Сухопутные войска) — Құрлықта ұрыс қимылдарын жүргізуге арналған Қарулы Күштердің түрі. Құрлық әскерлері Құрлықта өз міндеттерін бір-бірімен және Қарулы Күштердің басқа түрлерімен өзара бірлесіп орындайтын әр түрлі әскер салаларының құрамалары мен бөлімдерінен және арнайы әскерлерден тұрады. Қазіргі заманғы қару-жарақпен, әскери техникамен жабдықталған, қуатты атыс, қиратушы, соққы беретін кабілеті бар және өте жылжымалы Құрлық әскерлері жер үсті қарсыласын түбегейлі талқандауда шешуші рөл атқарады. Оның басты атыс күші — ядролық ракеталармен қаруланған және алыс қашықтықта қарсыласының кез келген объектілерін жоюға қабілетті оперативтік-тактикалық мақсаттағы ракеталық әскерлер болып табылады. Құрлық әскерлерінің құрамына алыс жерлерді қосымша жанармай құймай-ақ жүріп өтуге және жүріс барысында қарсыласына екпінді соққы беруге кабілетті, өте жылжымалы танк құрамалары мен бөлімдері кіреді. Мотоатқыш әскерлерінің құрамалары мен бөлімдері автоматты қарулармен, танкілермен күресуге арналған куатты құралдармен және де басқа кару түрлерімен жабдыкталады. Мотоатқыш бөлімдер өтімділігі жоғары сауытты машиналармен қимыл жасай отырып, ұрыс даласында икемді маневр жасап, ядролық қару соққыларынан кейін қарқынды шабуыл жасай алады. Құрлық әскерлері құрамында әуе шабуылына қарсы өздерінің корғаныс құралдары, инженерлік, жол және басқа да арнайы әскерлері, сонымен қатар әуе-десант әскерлері болады.

Құрлық әскерлерінің салалары

Құрлық әскерлерінің салалары (Роды сухопутных войск) — қарсыласқа қарсы дербес не бір-бірімен байланысты ұрыс әрекеттерін жүргізуге арналған Құрлық әскерінің құрамдас бөлігі. Оларға зымырандық әскер мен артиллерия, әуе шабуылына қарсы қорғаныс әскерлері, мотоатқыштар, танк, әуе десанты әскерлері жатады. Құрлық әскерлерінің салалары ұйымдастырылуына, техникасына, карулары мен ұрыс максатына карай бөлінеді. Сонымен бірге Құрлық әскерлерінің салалары құрамына арнайы әскерлер, инженерлік, химиялық, байланыс, радио және радиотехникалық, автокөлік, жол әскері және т.б. енеді.