Құрылыс кереметтері

Құрылыс кереметтері

Құрылымы мен жалпы композициясы арқылы адамды баурап алатын кейбір ғимараттар мен құрылыстар данышпан инженерлердің қиялынан туған. Құрылыстың осындай таңғажайып конструкциясының бірі - АҚШ-тың Нью-Йорк қаласындағы Азаттық мүсіні.Мүсін азаттықтың белгісі ретінде ұлттық ескерткішке айналған.

Дубайдағы Бурдж әл-Араб салтанатты қонақ үйі тербелмелі желкен түрінде жасалған.

Англияның Лондон қаласындағы Лондон көпірі1750 жылы Весминстер көпірі ашылғанға дейін Темза өзенінен өтетін жалғыз көпір болатын.

Париждегі Эйфель мұнарасы темірден соғылған. Ол Париждегі Сейн өзенінің маңындағы Марс алаңында жасалған.

Сиднейдегі Харбор - Бридж көпірі - орталық аудан мен Солтүстік жағалауды жалғастыратын, автомобиль, теміржол және жаяу жүргінші өтетін Сидней айлағының негізгі өткелі. Бұл көпір 1967 жылға дейін қаланың ең биік құрылысы болатын.

Білгенге маржан

Инженер деген кім?

Инженер - құрылыстың нақты бір аумағына тартылған, құрылыс саласына маманданған адам. Инженерлер өз жұмысына шығармашылықты, технологияны және ғылыми мағлұматтарды ұштастыра отырып кіріседі.

Қызықты деректер

Эйфель мұнарасы - Париждегі ең биік ғимарат.

Бурдж әл-Араб нарықта «әлемдегі жеті жұлдызды алғашқы қонақүй» ретінде ұсынылған.

«Гиннестің Әлемдік рекордтарына» сәйкес, Сиднейдегі Харбор - Бридж әлемдегі ең кең және ең үлкен болат қақпасы бар көпір болып табылады.

Есіңе сақта

Азаттық мүсінін француз мүсіншісі Бартольди Францияда құрастырып, жасаған.

Дерек көздер

Балаларға арналған танымдық энциклопедия. Халықтар мәдениеті.