Құтқарушылар саябағы
Құтқарушылар саябағы Астана қаласында 2021 жылы ашылды.
Ол А. Янушкевич пен А. Пушкин көшелерінің қиылысында орналасқан. Ауданы — 3404 шаршы метр.
Нысанның аумағы жеткіншектер мен ересек азаматтарға арналған бөліктермен қамтылған. Сонымен қатар, мұнда экстрим-спортты қолдау мақсатында жасалған, кедергі жолақтары бар, әртүрлі жастағы тұрғындар пайдалана алатын паркур зонасы орын тепкен. Сол сияқты, тыныштық іздеген көпшілік демалатын маңнан да адам қарасы үзілмейді.[1]
Оған қоса, азаматтық қорғау қызметінің үздіктеріне арналған құрмет тақтасы орнатылған, 1964 жылы шыққан АЦ-30 МАЗ 205 арнайы өрт сөндіру машинасы тұр. Саябақ өрт сөндіруші-құтқарушылар мен қызметтік міндетін орындау кезінде қаза тапқандар құрметіне абаттандырылған.[2]
Саябақтың ортасында өрт сөндірушілерге арналған ескерткіш тұр, жанынан өрттен қайтыс болған құтқарушыларға жеті естелік тақта қойылған. Олардың есімдері — С.С. Әбеев, А.Ю. Величкин, Г.Г. Винокуров, А.С. Забикулин, В.М. Зайцев, Р.К. Кәкішев, И.В. Степанов.
Дереккөздер[өңдеу | қайнарын өңдеу]
- ↑ Елорда саябақтары — National Geographic Qazaqstan, 3 қараша 2021 жыл.
- ↑ Нұр-Сұлтан қаласында құтқарушылар саябағы ашылды — Егемен Қазақстан, 6 шілде 2021 жыл.
