Үлкен көл
| Үлкен көл | |
| Морфометрия | |
|---|---|
| Теңiз деңгейiнен биіктігі | 824,7 м |
| Өлшемі | 2,3 × 1,5 км |
| Ауданы | 2,23 км² |
| Жағалау сызығының ұзындығы | 6,3 км |
| Тереңдігі | 4,6 м |
| Орташа тереңдігі | 3 м |
| Су алабы | |
| Суды жинау ауданы | 24 км² |
| Орналасуы | |
| 49°22′52″ с. е. 75°30′50″ ш. б. / 49.38111° с. е. 75.51389° ш. б. (G) (O) (Я)Координаттар: 49°22′52″ с. е. 75°30′50″ ш. б. / 49.38111° с. е. 75.51389° ш. б. (G) (O) (Я) | |
| Ел |  Қазақстан |
| Аймақ | Қарағанды облысы |
| Аудан | Қарқаралы ауданы |
Үлкен көл, Большое — Қарасор көлі алабындағы көл.
Географиялық орны[өңдеу | қайнарын өңдеу]
Қарағанды облысы Қарқаралы ауданында, Қарқаралы қаласынан оңтүстік-шығыста 2,5 км жерде, Қарқаралы тауларының арасындағы сопақша қазаншұңқырда, Жауыртоғай тауының солтүстік етегінде орналасқан. Абсолюттік биіктігі 824,7 м.
Гидрографикасы[өңдеу | қайнарын өңдеу]
Ауданы 2,23 км2, ұзындығы 2,3 км, енді жері 1,5 км, жағалық сызығының ұзындығы 6,3 км. Су жиналатын алабы 24 км2, таулы, жартылай қылқанды орман өскен. Ең терең жері 4,6 м, орташа тереңдігі 3 м. Көл суы көктемгі қар және жер асты суымен толығады. Жазда түпкі суының температурасы жоғарғы қабатының температурасынан екі есе төмен болады. Деңгейінің жылдық ауытқуы 1 м-ге жетеді: сәуірде жоғары, тамызда төмен. Көктемде қар еріген кезде көлдің біраз суы Қараөзек өзеніне ағып шығады. Суы ашқылтым, аздап кермектеу. Химиялық құрамы жағынан гидрокарбонат класының натрий тобына жатады. Суында фтор көп.
Жағалау сипаты[өңдеу | қайнарын өңдеу]
Оңтүстік жағалауы таулы, биік (1113 м), басқа жағалары жайпақ. Шығыс жағасында биік қалың қамыс өседі. Көлде алтын және күміс мөңке балығы мекендейді. Көл жағалауындағы қарағайлы орманда туристік база мен оқушылар лагері орналасқан.[1]
Дереккөздер[өңдеу | қайнарын өңдеу]
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IX том