Үлкен үй

Уикипедия — ашық энциклопедиясынан алынған мәлімет
Jump to navigation Jump to search

Үлкен үй, үлкен шаңырақ — бір атадан тараған ағайынды адамдардың әкесінің үйі.

Қазақ халқының ежелгі дәстүрі бойынша, үйленген үлкен ұлдар отау болып шығады да, ата-анасының қолында кенже ұлы қалады. Әке үйінен еншісін алып шыққандар үшін бұл орын үлкен үй деп аталынады. Олар мұнда арнаулы сыбаға әкеліп тұрады. Алыстағы келіндері жас нәрестелі болғанда үлкен үйдегі туыстарға сәбиін көрсетіп, ілу (сыйлық) әкеледі. Ал үлкен үйдегілер бөбекке көйлек кигізіп, бәсіре (мал төлі) береді. Әулеттегі сан алуан мәселелер үлкен үйде қарастырылып, шешіледі. Дәстүрлі қазақ қоғамында ата-анасы қайтыс болғаннан кейін де ұзақ уақыт ол үй бір атаның қара шаңырағы саналады. Сол себепті де осы үйге ие болып отырған кенже баланың жолы үлкен болады. Үлкен үйді отаулар әрдайым сыйлап, ұрпағына оны қадірлетіп үйретеді.

Дереккөздер[өңдеу]