Үшкоординатты өлшеуіш машина

(ор. трехкоординатная измерительная машина) — пішіндері күрделі бұйымдарды (турбинаның қалақтарын, жұдырықшаларды, кемелердің винттерін, тұрқыларды және т.б.) тексеру үшін қолданылатын аспап. Ү.ө.м. "П" және "Г" тәріздес жақтаудан, өлшеуіш құрылғыдан тұрады. Ү.ө.м. өлшемдерінің габариты үлкен. Бастиектің жылжуы арнайы автоматтық есептеу құрылғысымен есептелініп, цифр басу машинаның таспасына жазылады. Шектен тыс ауытқуды тапқан жайда цифрдің түсі өзгереді, бұл ақаулы жерлердің санын және координаттарын тез табуға мүмкіндік береді. Өлшеуіш бастиектің қозғалыс траекториясы мен жылдамдығы бағдарламалық басқару орнынан беріледі. Тексерілетін тетіктердің өлшемдері 0,5 ... 10 м; өлшеу қателігі 0,5 ... 1 м аралықта 2 ... 6 мкм; 5 ... 10 м аралықта 0,05 ... 0,2 мкм.