Ұзақ Бағаев

Уикипедия — ашық энциклопедиясынан алынған мәлімет
Jump to navigation Jump to search
Журналистер

ҰЗАҚ БАҒАЕВ (16.10.1930, Алматы облысы Райымбек ауданы — 28.7.1973, Алматы) — журналист, Қазақстанның еңб. сіңірген мәдениет қызметкері.

Қазақстан Мемлекеттік Университетін бітірген (1952). 1952 — 1962 жылы “Социалистік Қазақстан” (қазіргі “Егемен Қазақстан”) газетінде әдеби қызметкер, бөлім меңгерушісі, 1962 — 1969 жылы Қызылорда, Талдықорған облысы газеттерінің редакторы, 1969 — 1973 жылы “Социалистік Қазақстан” газетінің бас редакторы болды. Бірнеше жылдар бойы Қазақстан журналистер одағының төрағасы міндетін атқара жүріп, республикада журналист кадрларын даярлау ісіне елеулі үлес қосты. “Халық бастамасы — қайнар бұлақ” (1961), “Дала жұлдыздары” (1970), “Жан сұлулығы” (1975), т.б. кітаптары жарияланған. Құрмет Белгісі, "Еңбек Қызыл Ту" ордендерімен, бірнеше медальдармен марапатталған. КСРО Журналистер Одағы сыйлығының лауреаты (1973). Алматы облысы Райымбек ауданындағы Алғабас ауданында Баға атындағы орта мектеп, көше бар, музей-үйі ашылған. Жыл сайын еліміздің үздік деп танылған журналистеріне Бағаев атындағы арнаулы жүлде беріледі.[1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, I том