Ұнамды тип

Ұнамды тип - нақтылы бар тұқымның белгілі бір табиғи экономикалық орта жағдайында өсіргенде қалыптасқан сұраныска сай сапалы да тиімді өнім беретін мал басы. Мал тұқымын асылдандыру тәжірибесінде әрбір мал тұқымының ұнамды типіне лайықты өнімдік белгілердің ең төменгі шектік көрсеткіші белгіленеді. Мысалы, Қазақтың биязы жүнді саулығының ұнамды типнің тірілей салмағы - 50 кг-нан, қырқылған таза жүні - 2,1 кг-нан, жүнінің ұзындығы - 8 см-ден кем болмауға тиіс. Малды сұрыптағаңда, сыныпқа бөлгенде оның өнімдік қасиеттерін осы бекітілген көрсеткіштермен салыстырып бағалайды, сәйкес келсе асыл тұқымдық топқа (I-сынып пен элитаға) алынады.Ұнамды типтің өнімдік көрсеткіштері уақыт талабы мен сұранысқа байланысты қайта қаралып отырады.