Ұнғымалы сорғы

Ұнғымалы сорғы — бұрғылау ұңғымаларынан сұйықтықты көтеруге арналған гидравликалық машина. Ұңғымалы сорғылар: тасымалдауыш білікті және қозғалтқышты батырылмалы деп аталатын екі түрге бөлінеді: 1) тасымалдауыш білікті ұңғымалы сорғылардың өзі: А, АТН, ЦТВ (А — артезиандық, Т — тасымалдауыш білікті, Н — сорғы, Ц — ортатепкіш, В — су көтеруге арналған) типіндегі сорғыларға бөлінеді. Олар температурасы 35°С-қа дейінгі, құрамындағы қатты механикалық коспалардың массасы 0,1% аспайтын (А, АТН текті сорғыларда — 5%-ға дейін) жемір емес суларды көтеруге арналған. Мұндай сорғылардың өнімі сағатына 25— 125 м³, арыны - 25-150 м, ПӘК-і 60- аралығында. Тасымалдауыш білік (ұзындығы 100 м-ге дейін) арынды құбырдың ішінде бойлай орналастырылады. Тасымалдауыш біліктің мойын-тірегін қысымы 0,1 МПа таза немесе тасымалданып жатқан сумен майлайды (сулайды). Су алдыңғы жұмыс доңғалағынан соңғысына бағыттаушы аппарат арқылы жетеді. Ақырғы доңғалақты ұңғыманың динамикалык су деңгейінен төмен, ал сорғының секциясын табанынан 1,5—2 м жоғары орнатады. Әрбір секцияның ұзындығы 2,3—2,6 м. Тасымалдауыш және батырылмалы қозғалтқышты ұңғымалы сорғы ЭЦВ (Э — электрлі жетекті қозғалтқыш, Ц — ортатепкіш, В — суды көтеруге арналған) типті, температурасы 25°С-қа дейінгі, механикалық катқыл қоспа құрамының массасы 0,01% аспайтын жемір суды көтеруге арналған. Сорғы мен козғалтқыш бір блокта жиналып, ұңғымадағы динамикалық су деңгейінен төмен орналасады. Бұл сорғылардың өнімі 3-400 м3/сағ., арыны 15-1300 м, ПӘК-і 40—75% аралығында. Сорғы агрегаттарының жұмыс доңғалағы ортатепкіш және диагональды болып келеді. Оларды полиамидтен, полистиролдан, қоладан, шойыннан, болаттан; бағыттаушы аппараттың қалақтарын — полипропиленнен, қоладан, шойыннан, болаттан; корпус бөлшектерін — шойыннан, болаттан; білікті — болаттан; радиалды мойынтіректің сынасын — резіңкеден жасайды немесе құйып дайындайды.