Әбдірәлі Бөлебай

Әбдірәлі Бөлебай
Туған күні	25 желтоқсан 1953 (1953-12-25)
Туған жері	Ерназар ауылы, Жамбыл ауданы (Жамбыл облысы)
Қайтыс болған күні	6 сәуір 2022 (2022-04-06) (68 жас)
Ұлты	қазақ
Қызметі	диктор

Әбдірәлі Бөлебай (25 желтоқсан 1953, Ерназар ауылы — 6 сәуір 2022) — қазақстандық диктор.

Өмірбаяны

Әбдірәлі Бөлебай 1953 жылдың 25 желтоқсанында Жамбыл облысы Жамбыл ауданы Ерназар ауылында дүниеге келген.

Алматыдағы №46 қалалық кәсіптік техникалық училищені (1971), Құрманғазы атындағы консерваторияны бітірді (1976).

1983 жылы Мәскеу қаласындағы Бүкілодақтық теледидар және радио қызметкерлерінің білімін жетілдіру институтынан дәріс алды.

Еңбек жолын "Қазақфильм" киностудиясында режиссердың көмекшісі болып бастады.

1977 жылы Қазақстан Кәсіподақтары жанындағы көркем өнерпаздары республикалық үйінде методист;

1978 жылы Қазақ радиосының дикторы;

1985 жылы Қазақ теледидарында диктор;

1992–96 жылдары дикторлар тобының жетекшісі;

1996 жылы "Хабар" агенттігінде "Жеті күн" ақпаратты сараптау бағдарламасы және "Жаңалықтар" қызметінің жүргізушісі;

2000 жылы "Қазақстан" ұлттық арнасының Астана филиалында диктор;

2002 жылы ҚР Президентінін Телерадиокешенінде продюсер;

2004 жылы ҚР Экономикалық қылмысқа және сыбайлас жемкорлыққа қарсы күрес агенттігі (қаржы полициясы) баспасөз хатшысы болып қызмет атқарады.

Әбдірәлі Бөлебай өмірінің соңында дейін Қазақ радиосында дикторлық қызмет атқарды.