Әбу Михжан әл-Сәқафи
Әбу Михжан әл-Сәқафи[өңдеу | қайнарын өңдеу]
Әбу Михжан әл-Сәқафи —Абдулла бин Хабиб бин Амр бин Умайр. Тайыятың Бәни Сәқиф тайпасынан. Аттың құлағында ойнаған арақ құмар шайырлардың бірі болған. Әбу Михжанда мухадрам шайырлардың қатарынан. Жаһилиет дәуірінде шараб жайлы көптеген өлеңдерімен атағы шыққан. Мұхаммед пайғамбар 631 жылы Тайыфқа келгенде исламнан бас тартып, кейіннен һижреттің 9 жылы рамазан айында отбасымен бірге мұсылман болады. Мұсылман болсада шарап ішуін тоқтатқан емес. Умар ибн әл-Хаттаб Әбу Михжанға қанша рет шарап ішуге тыйым салады. Осы кезеңде Қадисия шайқасына қатысады. Шайқас уақытында арақ ішіп қояды. Қадисиядан кейін арақ ішуін тастап шайырлығын жалғастырады. Қадисияда Сағд ибн Әби Уаққаспен бірге болады. Оның арақ ішкенін көрген Сағд сазайын кейін берермін деп қояды. Шайқаста ерлігімен көзге түскен Әбу Михжанға Сағд кешірім бердім дейді. Әбу Михжан Алланың атымен ант етейін енді ішпеспін дейді. Әбу Михжан халифа Усманның заманында 650 жылы дүние салады. Қабірі Әзірбайжан, Грузия жерлерінде болуы мүмкін. Шайырдың өлеңдерінің көпшілігі арақ жайында. Одан бөлек әл-фахр, әл-мадх, әл-хамаса жанрында да жырлаған.
Шығармалары[өңдеу | қайнарын өңдеу]
Диуан Әбу Михжан әл-Сәқафи. 1887 ж.
Диуан Әбу Михжан әл-Сәқафи. Жинақтаған: Умар әл-Сууайди. Лейден. 1303-1306 һ.ж.
Дереккөздер[өңдеу | қайнарын өңдеу]
Араб әдебиеті энциклопедиясы 2 том