Әбілқайыров

ӘБІЛҚАЙЫРОВ Есен Әбілқайырұлы (1925, қазіргі Ақкөл ауданы — 1995) — қайраткер. 2-дүниежүз. соғысына қатысқан. Алматы малдәрігерлік ин-тын (1952), Мәскеу қ-ндағы Жоғары партия мектебін (1962) бітірген. Еңбек жолын Амангелді кеңшарында есепші болып бастаған (1941 — 43). Солтүстік Қазақстан облысы Булаево кентінде ауданар. лаб-ның меңгерушісі (1952 — 54). Торғай облысы, Қыйма ауданы партия к-тінің хатшысы (1958 — 60), Ерейментау ауданы партия к-тінде 2-хатшы (1962 — 64). Қорғалжын ұжымшарында аға малдәрігер (1964 — 65). Алексеевский ауданы малдәрігерлік лаб-ның меңгерушісі, бас мемл. инспекторы, аудандық қой ш-ның бас маманы, ауданы еңбекпен қамтамасыз ету бөлімінің меңгерушісі қызметтерін атқарған (1965 — 91). Қызыл Ту, 1-дәрежелі Отан соғысы ордендері, медальдарымен марапатталған.
ӘБІЛҚАЙЫРОВ Армия Әбілқайырұлы (1942 ж.т., Көкшетау облысы Володар ауданы Шүкірлік а.) — қайраткер. Ардагерлер кеңесінің төрағасы. Қазақ мемл. а.ш. ин-тын бітірген (1967). Чистополь ауданы а.ш. басқармасында бас агроном (1967 — 69), ЛКСМ Чистополь ауданы комсомол к-тінің 1 хатшысы (1969 — 73), Жоғары партия мектебінің тыңдаушысы (1973 — 75). Еңбекшілдер ауданы Халық депутаттар кеңесі төрағасының орынбасары (1975 — 80), Келлер ауданы партия к-тінің хатшысы, 2 хатшы (1980 — 85), Уәлиханов ауданы партия к-тінде 1 хатшы (1985 — 90), Уәлиханов ауданы халық депутаттары кеңесінің төрағасы (1990 — 93), Айыртау ауданы әкімш. басшысы (1993 — 95), Солтүстік Қазақстан облысы Айыртау ауданының әкімі (1995 — 2004), Солтүстік Қазақстан облысы а.ш. департаментінің бастығы (2004 — 06). «Құрмет белгісі», Парасат ордендері, медальдармен марапатталған. Айыртау ауданының Құрметті азаматы.