Әділғазы Дәуітұлы Бектібаев

Әділғазы Дәуітұлы Бектібаев
Туған күні	15 желтоқсан
Туған жері	1932 жыл
Ұлты	Қазақ
Әкесі	Дәуіт

Әділғазы Дәуітұлы Бектібаев 1932 жылы 15 желтоқсанда Шығыс Қазақстан облысының Таврия ауданының Белащы ауылында туған.

• Қазақ кен-металлургия институтын (1957) «Пайдалы қазбалардың кенорнын өңдеу» мамандығы бойынша бітірген. Техника ғылымдарының докторы (1992).
• «Қазақстанның желілі кенорындарындағы кен өндіру технологиясы» (1974), «Кені бар кенорындарының жер асты жұмыстарының тиімділігін арттыру» (1984), «Кен қазудағы жоғалым мен құнсыздану» (2000), «Кен өндіру технологияларын бағалау мен таңдау» (2003), «Орысша-қазақша түсіндірме сөздік (тау-кен ісі, кен байыту және металлургия салалары бойынша)» (1999), «Қазақтілі терминдерінің ғылыми түсіндірме сөздігі (кен ісі мен металлургия)» (2003) еңбектерінің авторы. 25 өнертабысының авторы.
• 1957 жылдан - ҚазКСР ГА Алматы кен-металлургия институтының кіші ғылыми қызметкері 1963 жылдан - Бүкілодақтық түсті металдарды ғылыми-зерттеу институтының (Өскемен қ.) аға ғылыми қызметкері. 1970 жылдан – ҚазКСР ГА Кен істері институтының (қазіргі - Д.А. Қонаев атындағы Кен ісі институты) аға ғылыми қызметкері. 1995-2005 жылдары - Д.А. Қонаев атындағы Кен ісі институтының мемлекеттік тілді дамыту зертханасының меңгерушісі. 2005 жылдан - Д.А. Қонаев атындағы Кен ісі институтының жер қойнауын кешенді игеру зертханасының меңгерушісі.
• КСРО ХШЖК күміс (1977, 1984), алтын (1980) медальдарымен, «Еңбек ардагері» (1984), «1941-1945 жылдардағы Ұлы Отан соғысы жеңісіне елу жыл» (1995), «1941-1945 жылдардағы Ұлы Отан соғысы жеңісіне алпыс жыл» (2004) медальдарымен; КСРО ХШЖК 1-ші дәрежелі дипломымен (1979, 1982); «1941-1945 жылдардағы соғыс ардагері» (1999), «Кенші даңқы» 2-ші (2003), 3-ші (2007) дәрежелі белгілермен; ҚР Құрмет грамотасымен (2007); академик Ө. Жолдасбеков атындағы сыйлық және алтын медальмен марапатталған. КСРО өнертапқышы (1979). Д.А. Қонаев атындағы Кен ісі институтының Құрметті ғылыми қызметкері (2007).