Әдірбаев Хасан

ӘДІБАЕВ Хасен 26.8.1924 ж.т., қазіргі Шығыс Қазақстан облысы Шұбартау ауданы Қосағаш а.) —жазушы, ғалым, филология ғылымынын докторы (1970), проф. (1973), Қазақстанның еңб. сің. Жоғары мектеп қызметкері. Ұлы Отан соғысына қатысқан. ҚазМУ-ды бітірген (1955). Абай атынд. қазақ мемлекеттік педагогикалық ин-тының аспирантурасын (1959) бітірген. 1959 жылдан Абай атынд. Алматы мемл. ун-тінде ұстаздық етіп келеді. “Уақыт және суреткер” (1967), “Талант, талғам, тағдыр” (1971), “Көкжиек” (1978) атты сын-зерттеу кітаптары қазақ әдебиетінің келелі мәселелері әдеби шеберлік пен жанрлар типологиясына, көрнекті қаламгерлердің шығармашылықтарын саралауға арналған. Оның “Таңбалы адам” (жинақ, 1975), “Отырар ойраны” (роман, 1986), “Әупілдек” (1987) повестер мен әңгімелер жинағы жарық көрген. Орыс мектептеріне, арнаулы және жоғары оқу орындарына арналған бірнеше азақ әдебиеті оқулықтарын жазған. 2-дәрежелі “Отан соғысы”, “Қызыл жұлдыз” ордендермен марапатталған.