Әлеуметтік ассимиляция

Әлеуметтік ассимиляция - [лат. Assimilatio - ұқсастыру] - қандай да бір әлеуметтік топ өкілдерінің қоғамда өзге топтың әлеуметтік-мәдени белгілерін сіңіріп, нәтижесінде өздерінің төл әлеуметтік-мәдени бейнелерінен айырылып, өзгелерге сіңісіп кетуі.

Объективті негізі қоғам өмірінің барлық жағынан жаһандасу, аймақтық, мемлекеттік ықпалдасу процесінің қарқынды дамуында жатыр. Әлеуметтік ассимиляция әсіресе, әлеуметтік, этникалық, діни және басқа азшылықтардың арасында көпшілік мәдениетінің үстемдігі жағдайында аса қарқынды байқалады. Оған халықтың аймақаралық, мемлекетаралық және үлтаралық көші-қон, көлік тасымалы жүйесінің дамуы, бүқаралық желі құралдарының жетілуі эсер етеді. Әлеуметтік ассимиляция әдетте әлеуметтік қақтығыстар тудырмай, табиғи, еркін және ерікті түрде жүргізілуі ықтимал және күштеп, жабайы, жасанды жолмен жүргізіліп, ассимиляцияға түсушілердің наразылығын тудыруы мүмкін.